洗衣機食左我隻襪: 洗衣機動遊戲

洗衣機內開始慢慢湧出水，將我身處既鐵造滾輪注滿冰凍既水。
唉，早知set做溫水洗衣啦!  個滾輪開始轉呀轉呀，轉呀轉呀!!
我就好似玩緊海馬公園既 “太空摩天輪”，

當佢加速既時候，個感覺就好似玩 “翻天覆地”
我成個人跟住個洗衣機，以每分鐘0-800轉既速度咁旋轉
我真心覺得五臟六腑係玩緊乾坤大挪移，痴左線咁

我第一次咁 ‘hardcore’ 咁連玩2個強化版既機動遊戲，呢個洗衣機動遊戲簡直係地獄級，我開始想作嘔。
與此同時，水開始湧入我既鼻孔，耳朵，嘴巴...  咳咳..我呼吸唔到，我唔得喇…




我四肢發軟，然後眼前一黑，失去左意識