洗衣機食左我隻襪: 灰色軌跡

haaaa~~chiu~~!! 我打左個大噴嚏，勁多水喺我個鼻孔噴出黎…
咦，乜我未死？我諗呢度就係我啲唔見左既襪去左既地方。
環顧四周，前方後方漫無邊際，而左右邊都係鐵牆，牆上面有少少生鏽，
灰色既地上面佈滿灰塵，有一條條縱橫交錯既痕跡。

每向前行幾步，都會見到一灘水，大部份有泡泡浮面，
我走近其中一個有泡泡既水氹，彎低身聞左一聞，係有洗衣粉味
 
 “踏著灰色的軌跡　儘是深淵的水影”
見到咁既場景，我不期然哼起呢首歌，Beyond既"灰色軌跡"。





haaaa~~chiu! 
唔怪得打乞嚏啦，原來係啲塵…
豈有此理，下次我真係塞埋個吸塵機入洗衣機過黎吸下呀！
對唔住，我太興奮，
我根本都唔知自己身處咩地方，連返唔返到我既世界都唔知…
都係周圍行下，睇定啲先好。