不能愛上的星級女神2: 首播

我們的新劇終於播出，劇組當日慣例會一起吃飯看播，不過因為Candice拍攝撞時間所以她無法過來。沒有她在身邊看自己第一次拍攝的電視劇首播確是有點缺失，但貓仔給我傳來了訊息，令我有種一直以來沒有過的暖心感，大概是因為我從未有過一大班欣賞和喜歡自己的支持者。

「瑾瑜打擾你啦！比你望下我哋大家一齊支持你嘅現場直擊精華！」她傳送了幾十秒影片，看見在餐廳一間大房間她和二三十個粉絲一起支持我的首播，還有很多應援物品和裝飾。
「貓仔，好多謝你地嘅支持！我覺得好warm。」她回了幾個害羞表情，我又回她幾個伸舌頭。「好開心你親自覆我～」她說。
「傻啦！我好開心一出道就有你支持就真。幾個月前我都好似你咁，係個普通人。真係從來冇諗過會拍戲。」我回覆。
「如果可以嘅話，我想了解你多啲～喺雜誌同media我哋都有留意你，不過唔知真定假…」她說。
「有時間可以同你去食個飯架其實，如果你唔怕比狗仔隊影到影響你生活。」我發了個偷笑表情。
「你係咪講真架？我偶像約我食飯喎！我理得佢貓仔隊定狗仔隊！」她傳了幾個鼻孔出氣的表情，真的很可愛。
「當然啦！你寫d日子比我，我地去食餐飯啦～」
「好野～多謝你啊瑾瑜～不過你會唔會唔夠休息架？你要休息多啲啊！」她傳了個臉紅表情，我在心中暗忖她的可愛。




「傻啦！我仲係新人，而家暫時未有咁多job。」
「咁你今晚早啲休息！」
「知道，多謝你。」

「點呀瑾瑜？你同Candice whatsapp呀，咁好笑容～」若嵐取笑我。
「我嘅fans～」我笑說。
「喔！我話比Candice知你溝女！」她可愛地指住我，「我先唔怕你～我呢係啲係冇架子，同朱浩婷啲娛樂圈高冷路線唔同！」
「車！」
「瑾瑜？」監制此時在我身邊喊我，我回應：「係？」
「黎緊我同gary陳監制會開d新戲，我問咗總經理kevin，佢話都可以搵你試吓，你睇吓會唔會嚟cast咗個feel先，我哋都想比個角色你。」




「好，冇問題！多謝王監制比機會。」我有些驚喜。
「唔好咁講，都要你今次自己把握到今次套戲嘅表現，kevin同其他導演監製覺得值得比你試下。Gary應該今個禮拜會搵你或者程小姐傾下，我呢邊未咁快，仲finalize緊份本。」他拍拍我肩，再補充：「公司唔係咁多會咁快比機會人，kevin真係睇好你有potential，我都睇好你。比啲心機！」
「多謝。」我點點頭，若嵐微笑著也給予我一個拇指讚好。

晚飯過後，我本來打算送若嵐回去，卻看見一位戴圓形眼鏡、五官標緻、背着中型黑色斜孭袋、貌似比我年輕的小女生站在我車旁，遠距離也感覺到她對我的殺氣的眼神。
「瑾瑜，我自己走先啦。」
「嗯，我去搞清楚佢先。」我和若嵐分別後，我便走過去。

「向瑾瑜先生，乜你咁冇新聞道義㗎？你知唔知你地抽起咗我個版，搞到開空窗。我啱啱先入職仲未過試用期㗎，差啲俾你搞到冇咗份工！」她一來便毫不猶豫地炮轟我。
「Sorry，你係？」我略帶抱歉問。




「咪你上次放風跟你果個記者囉！向瑾瑜我話你知，係你累到我第一篇報道就開空窗，由今日開始我一定咬住你唔放，寫衰你！」她說罷便轉身離開。看著她的背影，我一絲也沒有感到被她威脅，反而覺得這個女生很可愛，亦令我想起剛畢業時入世未深又滿腔熱誠一顆拼勁的自己。當時不會猜到，四五年過去，居然開始要在不是自己最擅長的領域耍小手段拼事業發展。

轉了幾個圈，還是不想回家，兜兜轉轉來到Candice家樓下，看見她上線時間還是晚飯前，大概還未收工。我開了車中的音樂，邊聽邊放空休息。