不能愛上的星級女神2: 妻管嚴（上）

我到便利店買了止痛貼，打算回家貼一貼痛得動彈不得的手腕。回到家樓下，看見一個有一點點生氣的Candice雙手交疊在胸前等著我，第一句便帶點刺問我：「今次唔係到你電話冇電吖嘛？」我走到她身邊拿起她的手袋，把我的外套披在她肩上，有些抱歉又關心：「Sorry啊Candice，頭先冇覆你。你等咗好耐呀？」
「10分鐘左右姐。你啊，你知唔知果個Hilary出名咩架？上到去我再教訓你！」她壓低聲線，眉頭一皺。

回到家，我把幾天前刻意去弄好的後備鎖匙放入她掌心，柔情地說：「我整多咗條鑰匙比你，你以後搵我就直接上嚟啦，樓下凍啊。」她坐貼我身邊靠向我，有點醋意，唇貼在我耳邊輕輕道：「你啊！對其他女仔唔准咁好啊！」她一牽我手，我便痛得叫了出來：「啊…痛…」
「紅咗嘅？瑾瑜你頭先整親呀呀？」她輕撫我手腕，緊張地檢查：「有冇事啊？洗唔洗睇醫生啊？」
「唔知係咪扭到，我聽日會去睇醫生㗎啦！」我主動與她十指緊扣，又掏了剛才買的止痛貼出來：「一係你幫我黐住先？」她小心地替我研究貼法，邊警戒我：「頭先我想講，你嚟緊合作果個Hilary係個綠茶婊，專姣靚仔，你小心啲佢，唔准比佢抽你水！」
「知道啦女朋友大人！」
她邊悉心地貼邊說：「你知你最鍾意同女仔食甜品架啦。呢排咁多女痴埋你度，你份人又冇乜戒心，陣間比人利用咗都唔知。」她溫柔地在止痛貼上輕撫我的傷，我烘近她問：「係咪即係好似嗰陣你想借我過橋咁啊？」她耳朵也紅了：「咩啊？咁初頭真係諗唔明點解若嵐會中意你吖嘛。而家咪明咯…」我奸笑：「喔～所以我哋嘅Candice姐幾有本事啊～」
「你勁啲！唔使出手身邊啲女都比你溝曬…」她帶刺地睨著我。
「冇啦～咁我最後咪又係揀一個。」我用鼻尖貼向她臉頰，甜蜜地含著笑。




「你想揀曬呀？」
「淨係你一個咪夠晒囉～」
「夠煩係咪呀？」
「我中意你再煩啲，不過你煩唔煩我都咁中意～」
「我先唔會煩你！」

她看了看我的後備鎖匙，把她大門密碼寫在我們對話中的星號訊息：「我會同沖哥講聲，你以後都唔洗等埋我啦，直接上我屋企啦。」我緊擁著她，鼻尖貼著她臉頰，對她撒嬌：「你唔好咁好啦朱浩婷，我隻船沉曬喇…」
「好似係你搞到我沉船先架喎，向瑾瑜！」
「你到底係幾時開始鍾意我架？」我好奇問。
「唔知啊，可能由poolside party果陣開始有feel…不過你有時d關心同行為真係好惹人誤會…」




「所以成功draw到你attention由若嵐身上去咗我度？」我偷笑。
「咁你呢？」她烘近我反問。
「我真係feel都到唔對路應該係你喺沙灘整親隻腳果陣。之後諗返起，居然會放低若嵐問都冇問就衝過黎抱起你。我自己都諗唔明！」我取笑自己。
「唔洗明，因為我都唔明～」她壓在我身上，含著笑輕吻我。我抱住她再向她索吻，又在她頸吻留吻，享受她的體香和淡淡香水。正想給她來個公主抱，但左手腕痛得用不到力。

「點啊？你聽日係咪會去睇醫生？」
「係呀。」
「扭傷要休息多啲！」她坐在我前面，回望我：「不如…我咩你？」
「你？得唔得架？你輕過我架喎。」
「上嚟先啦！」她成功背起了我，我心裏很甜蜜，擁緊她：「估唔到我都可以比自己女朋友咩起…」




「點解呀？你好重咩？你幾重先？」她走了幾步，笑說。
「52kg。」
「你168cm，差唔多啦。」
「你夠係168咯。咁你幾重呀？」我吐嘈她。
「年齡同體重係女人嘅秘密！」
「扮野啦Candice姐！你同我同年嘅。」她笑了笑，我又補充：「不過其實我意思係，平時都係我咩人，估唔到可以比你咩～」
她忽然奸笑把我背進主人房洗手間，放下我，雙手繞在我頸後，語氣挑逗地撩著我的襯衫：「我今日冇gel甲，你會唔會想…」