不能愛上的星級女神2: 兩個女人一個墟

「你哋兩個隨便嗌。」
「向瑾瑜你累到我要開空窗，差啲俾人炒，仲成個幾禮拜都食白果。我一定唔會同你慳！」她把最貴的三款甜品也點了遍。
「你都真係好唔客氣喎妹妹仔！你咩賴瑾瑜，你唔係小朋友嚟，你冇責任架？」貓仔點了最平的那款，與記者妹妹不友善地對望。
「你偶像放風比我跟，轉個頭又叫我department head抽起篇野，累到我比人鬧喎！」我開口調停：「其實今次確實係我唔好，我冇同Candice經理人傾好，貓仔，你由佢啦。」
「瑾瑜又唔係有心，佢都同你道咗歉啦而家！」
「道歉我就要接受架啦？總之，我報唔到你嘅猛料，我都會繼續跟落去！」記者妹妹雖然語氣和之前一樣，但從她的眼神看得出，她沒有再生氣，只是口硬而已。

「你呢d咪死忠咯…」
「你呢啲都係以偏蓋全！首播嘅時候瑾瑜送蛋撻比我地嘅時候，又唔見你喺度？」……她們由吃甜品吵架吵到吃完一起離開，幾乎整頓飯也沒有安靜過。其實我也不明白有什麼好爭吵，她們看見的東西不一樣，對我的印象自然也不一樣。到底該不該說她們其實只是在聊天，但話題在我呢？我叫她們隨便「嗌」，是「嗌野食」，不是「嗌交」！





「喂！」結果她們一鬆懈，在過馬路中途記者妹妹的袋被一個男人跑過搶走。「咪走！」「搶野啊！」她們居然還可以比我更快反應過來追了上去。記者妹妹身手敏捷，本來已捉到自己的袋，但被那個男人用袋大力一推，內裡有幾樣東西包括她的記者證件也掉到地上。她失平衡向後倒在我身上，我為了扶住她，與她雙雙倒地，更被她壓住了左手手腕。同時，貓仔和另外兩名男途人把那個男賊人截住並壓在地上制服，貓仔一臉自豪把袋拿回，卻看見我們跌倒而臉色鐵青跑了回來。

「點算呀？有冇事呀你？」
「瑾瑜你點呀？有冇受傷呀？」她們同時關心我。「手腕…痛…」我的左手腕痛得不能動彈，貓仔順手把她的記者證拿了過來。證上寫上最大網媒的娛樂版記者，李思晴。
「瑾瑜我同你去醫院…」
「醫院有排等…」李思睛拿了卡片給我：「我識個骨科專科，我聽日同你睇，唔洗book。」
「我點放心交瑾瑜比你呀？」貓仔有點著急扶住我盯著她。
「你偶像係為咗令我唔會撞親個頭先會整親。我份人好公道嘅，呢單野係我欠佢。」李思晴低下頭，聲線溫和了很多。
「OK。聽日麻煩晒你。」我點頭。她有點內疚地說：「唔好咁講，如果你骨折，我一定會唔安落。」
「我閘住你啊！」貓仔把袋大力扔到李思晴身上。





在交換電話號碼那刻，正好Candice傳訊息給我：「瑾瑜，你今日咁夜嘅？唔係去咗同Hilary食甜品吖嘛？」她們應該也看見這個訊息，幸好我還未將Candice改成什麼親密暱稱。我下意識地辯解：「真係好朋友黎架我哋。我…正人君子黎架，唔係個個我都同佢食甜品…」但剛才才跟她們吃完甜品，慘了，我這樣解釋真的越描越黑。氣氛頓時變得尷尬，我快快打完號碼便站起來，說：「你哋早啲返去休息啦，我冇事。」
「咁…瑾瑜你都要早啲休息，聽日一定要去睇醫生啊！如果你有事，我同班團員會好擔心你。」貓仔還是一臉憂心，我點點頭：「多謝你地。」
「咁…我哋聽日見。」李思晴拓了拓眼鏡，把記者證和另外掉了出來的物品收好。
「聽日見。」我沒有送她們回家，因為怕她們會覺得我別有目的，她們也沒有說什麼。