不能愛上的星級女神2: 聚會（上）

我約了Mark哥吃飯，主要youtube其中一條片想找他一起玩挑戰比賽，看看他有什麼意見。另外我也就李思晴的事諮詢了這位「橋王」的建議，他也提出了幾個辦法，亦爽快即日與我共同處理。

翌日Mark哥休息，我便與他先拍片，之後到他家玩，等其他人黃昏左右收工來開派對。因為Candice接了新電影，希望開始減肥，所以我們買了大堆沙律用料和雞胸肉，我借用Mark哥的廚房先煮。
「點呀廿四孝男友？你真係提高曬所有男友嘅standard！好彩我未想搵返個settle down，如果唔係真係比下去。」Mark哥幫忙整另一款沙律。
「我喺Terris面前就真係比下去啦！係喎Terris呢排都冇嚟一齊玩嘅？」我借故了解一下他的狀況。Mark哥忽然鬼魅一笑，望向我：「佢吖嘛？佢今日會嚟，你再問下佢～」但他也補充：「不過比少少心理準備你，如果你見到啲咩都唔好嚇親。」
「睇嚟有爆料喎？」
「我就留返比當事人先講啦！」

此時，Candice、若嵐和Renees也到了，她們買了些外賣食物和飲品上來。
「三位靚女，袋可以掛呢邊，其他自便啦～」




「唔該晒！」Mark哥和我去幫忙拿那些食物放去餐桌，她們三人還在討論唇膏顏色，放下手袋便過來幫忙。「你哋整咗咁多Salad呀？」Candice有點驚訝，Mark哥立刻搶著說：「你男朋友自己買上黎架！佢話你接咗套新電影諗住減肥，特登整比你！」他強調「特登」二字。若嵐和Renees望向Candice笑了，Candice甜蜜又帶點被我氣到的眼神望向我：「你早啲話我知吖嘛，咁我就唔洗買沙律啦！」
「你又買咗呀？」
「係呀！」
「唔怕！你d沙律我放雪櫃拎比我家姐食～」Mark哥完美演繹「好朋友」三個字，他拍拍我肩。他又忽然提起Gary監制的新劇：「係喎瑜哥，聽講你新戲應該會同Hilary合作喎。」說到這個名字，若嵐和Renees也瞪大了雙眼，反應也變得凌厲。
「Hilary？係咪Hilary關語芯呀？」Renees問。
「係啊。」我點點頭。
「佢都幾…」Renees仿佛說不出那個形容詞，Candice毫不客氣帶點刺地補充：「咪成日對住啲靚仔發姣囉，好有手段。張星凡你同佢合作過，你又係男人，你話啦！」
「佢係幾主動嘅，又幾識玩咯……咁講真，你哋知我有玩開，呢type都遇唔少，冇咩嘅，就係想溝下仔玩下囉。咁我又冇乜野，而且你知男人都受囉呢種。」Mark哥面對三位狠狠地盯着他的女士，還是小心翼翼地坦白講。他尋求我的庇護，我亦禁不住老實說：「但係我有女朋友㗎啦嘛，佢仲會有意無意對波Hi埋黎…」
「你話咩話？呢個關語芯真係係仔都溝架喎！唔好比我捉到佢姣你，如果唔係唔好怪我對佢唔客氣…」Candice怒火中燒，－手將單據抓爛，若嵐和Renees也連連掃她背安慰她、讓她下火，我看著發火的她還是覺得她真的很可愛，偷偷含著笑。





「叮噹。」Paco和Terris也來到了，而且他們是牽着手進來。
「Sorry啊我哋遲咗。」Terris還是那麼有風度，只是沒想到他這次是幫Paco拿東西、開門等，原來他對著男人也可以如此紳士。不過資訊太震撼，我和Renees也震驚得下巴也差點掉到地上，但Candice和若嵐似乎已經知道，並不驚訝。
「瑜哥。」Terris看見我們，他牽着Paco走向我：「之前冇同你講過，其實我同Paco之前已經識咗一排，之後Mark哥搵我幫手，我問咗Paco佢OK，我先幫。其實嗰日我已經想同你講，但你去咗拍戲。至少你冇令我哋失望～I hope you forgive me 瑜哥. I am not meant to lie.」
「原來你借出咗你男朋友呀Paco哥，我真係…有啲唔好意思添。」我有點不好意思地說。
「果陣未係啦。不過唔怕啦，咁我果陣已經知道Candice中意果個又唔係Terris，冇所謂。」Paco這句令Candice耳朵泛紅，我也有點尷尬地苦笑。