不能愛上的星級女神2: 不止過路人（下）

在開門前，我刻意先按門鈴讓她知道是我。
我小心翼翼地走進去，她不在客廳，我便四處尋找她，經過她洗手間門外發現她在上廁所。她看見我有點嚇倒，耳朵也紅了。
「Candice豬～你喺度啊？」我高興地坐到她身上抱緊她，笑著問：「點呀你開大呀？」
「點啫？咁你坐喺度仲阻住我，咁我點屙啊？」她有點害羞地輕輕推向我胸膛：「快啲出去，快啲！」
「唔制～我要痴住你～你屙啦！」我對她撒嬌。
「好重啊你！坐到我腳痹啦！」
「錫啖我先出～」……

我在酒櫃等她，她上完廁所走過來問我：「點呀？睇中我邊支酒啊？」她又帶刺地補充：「唔洗望啦！我啲酒係唔會有關語芯果啲咁正架啦～」我立刻把她抱緊，向她澄清：「唔係啊～係Gary話如果我呢個角色發揮得好，就可以更容易打入電影市場，亦都可以俾人睇到我嘅實力。佢特登開口叫我跟Hilary請教下角色，係因為佢覺得我太乖仔、驚我拿捏唔到呢個壞角色。」
「係佢帶你返佢屋企對戲？」她眉頭皺起、有點醋意。




「係呀。」
「佢…有冇對你做啲咩啊？」
「你真係想知？」我有點害怕地問，她立即睥住我：「我係你女朋友啊！你夠膽咪唔好同我講囉～」我點點頭、清清喉嚨，告訴她：「佢…比咗d加咗料嘅酒我，想覇王硬上弓，不過成功比我拒絕左。真係！除咗比佢錫咗一下、用對波Hi住我心口、攬住我，但你信我，我哋真係咩都冇做過架！」
「唔係吖嘛？呢條友真係癲架喎，唔係扮架喎。」她反應和我預期一樣大，她大大力捏我手臂：「你有冇搞錯啊向瑾瑜？你為咗個角色你真係唔怕佢食咗你架喎？你而家咩意思啊？你好想比佢食係咪啊？你有女朋友㗎！」她捏了我數下。
「啊…痛…唔係啊Candice姐，但係我真係好想多啲機會、搵多啲錢，我想買手袋比你啊…痛啊…」我捉住她手，對她說：「朱浩婷啊，我個心除咗你之外，根本放唔落其他女人。就算佢加左料，我都淨係想同你做炸。」她鼓起腮但有點呷醋地望向我：「咁你個靚女團長呢？點解會挨住你睇日落架？」
「喔～其他media咪寫我制服咗個色郎嘅？之後我哋去落口供，佢好似諗起以前啲唔好嘅經歷就喊到趴咗喺我膊頭。佢冇講啊，所以我費事問。不過我覺得佢可能以前有目睹過人哋俾人非禮之類，但係佢冇出手幫或者去舉報，所以一直都好內疚？」
「下？咁佢一定好嬲自己…」沒想到Candice也會這麼感慨。
「可能因為係咁，所以佢嗰陣第一句就問我信唔信呢個世界有報應。」我告訴Candice。

「咁你點答佢呀？」Candice把我拉到沙發，我坐下之後她坐在我身上。




「我話，都信㗎！我覺得我嗰種信唔係話淨係信天道循環、因果報應，而係我由心而發唔想動搖要求自己善良嘅信念。」我摟住她腰和她貼近。
「之後呢？」她好奇問。
「我話，因為我知道有時未必一定係善有善報、惡有惡報。但係我會希望個天真係有眼，啲壞人未死只係因為好戲在後頭。」
「嗯…我同你諗法一樣。若然未報，時辰未到。不過我都明白人之所以係人，因為人都會犯錯，如果果陣係冇心、之後有悔意、件事又唔係咁不可逆轉，我都會盡可能理解嘅。」
「果然係美貌與智慧並重嘅Candice前輩～你話你咁好，居然比我執到寶，我上世係咪做咗好多好事？」我烘近她臉頰，親吻她臉和耳朵，輕輕溫柔地說：「而家俾我搵到你，我死都唔會放手，一定mark到你實一實！」
「聽住先啦～你咁多女埋身，如果你搵到個好過我嘅，我唔信你唔心動！」她有點呷醋。
「就算真係有個全方位都好過你，但係佢都唔係你。」我深情地望向她，為她撥好瀏海，用鼻尖貼近她。她笑了笑：「係咪呀你？」
「當然啦！咁每個人都係獨一無二，你都係。」
「咁口花！」
「我講真㗎！」





她坐在我身邊，從手機找出一份劇本告訴我：「咁我都同你講句真，你唔好呷醋。我同若嵐啱啱已經接咗netflix嘅邀請，黎緊會去拍－套GL劇，暫時20集，係玩辦公室地下情。」
「你話咩話？！！你要同萬若嵐…」我瞪大雙眼，下巴也掉下來，睥著Candice，心臟也差點嚇得跳出來。雖然高冷霸氣女上司Candice配無害小白兔若嵐的戲碼，相信一定可以獲得很高追看，但只要一想到她們的情慾戲，我便坐不住了。