呢個女仔每日都係咁搵我    而我亦都周不時咁玩佢
有次打黎   佢同我傾計   果陣其實有多一個女仔係到
我唔記得點樣整啦...總之駁左三條線係到
夾埋黎同其他女仔偷聽佢同我講野

到佢有時打我屋企電話   明明我係到   我都專登同家姐講
叫佢話我唔係屋企    但係佢知道我係到既
一個女仔咁大膽去追人   你為愛情真係變得好盲目好盲目呀   你知唔知呀

升上中三啦    我就同左米妮一班


不過都唔係D咩問題既   都比佢煩慣架啦
我亦都整喊過佢千千萬萬咁多次  你真係好傻呀  成日喊 

佢既堅持    同埋比我鬧過咁多次之後
佢已經變到冇再咁煩    我亦都開始對佢改觀
但係我當時就追緊第2個女仔  佢叫珮啦    果時追佢都幾花心思
同佢SMS啦  唔同台都SD    女神黎既   佢生日既時候又買禮物比佢

佢都曾經同我出街買野   亦都同過我睇戲    
不過我就覺得我可能變左佢隻兵啦


我都知道我唔可以再咁落去     係唔知咩時候
我就問左佢    你敢唔敢肯定   你以後以後都唔會愛上我
佢問我   點解我要做到咁    點解我要做到咁絕情
佢都答我   唔會愛上我


而我有一排都幾SAD   但係我自己好快就放得底佢
因為佢講左唔會愛上我   我都冇謂花咁多心思去搞咁多野
而自己亦同佢唔係太熟太親密   所以好快放得底



但係你      我諗我呢一世我都唔會忘記你呀   蠢材
因為你係我既初戀   亦都係我第一次體會到一個人離開自己身邊會係點
如果可以   我寧可你好好記得我係邊個
而唔係好似你依家咁   話忘記忘記
唔通你真係忘記到我咩?
已有 0 人追稿