願記憶可以再來多一次: 拍拖記念日

我係一個重男輕女既家庭    由細比人鍚到大
屋企發生左啲意外   令到成個家既感覺變晒
都令我好想好想比人愛既感覺    
而個女仔拒絕左我之後    我就好似小左d野咁   搵唔到人比愛既感覺我
我亦都冇搵其他女仔傾計    所以硬係覺得差咁d野


直到有一日    我出左去打波     你屋企又係附近
你叫我上黎你屋企      上左去之後果一刻我個心跳得好快
因為真係咁近同一個女仔係同一間屋


一時之間既衝動    我攬左你一下
其實我真係好想好想比人愛     而都係咁     我知道我攬左你
我亦都唔係對你完全冇感覺   但係果一刻只不過係想有人係我身邊愛我

我好自私    雖然我攬左你   鍚左你
但係好耐都冇比一個名份你   你都冇話過我啲咩
我都冇同過我朋友講過     可以話係曖昧既感覺啦
直至幾個月後我同你先達成一個共識
正式拍拖     仲求求其其定左一日為拍拖記念日



米妮:我地幾時先叫正式拍拖呀?
星:hmm...不如就下個星期啦
米妮:就12月12號啦好冇呀?
星:好啦

我地既拍拖記念日就係咁隨便講下 
果陣其實我個心都係玩下玩下
感覺只係試下拍拖既感覺    分手又唔會點既

我又點諗到我依家呢一刻   原來我已經唔係玩玩下


果陣你都周不時有打電話比我  而我屋企人都開始發覺我對你變左
由以前成日唔聽你電話    變到聽你電話  雖然有時都係多得制唔聽

呀媽:佢打黎喎   你聽唔聽呀?
呀媽:佢轉左名既?以前得號碼架炸喎   依家做咩變左做米妮
呀媽:你地拍緊拖呀?
呀媽:睇黎佢好鐘意你喎

呀媽就係咁...而其實我都拖左屋企人好耐
我一直都話我地冇拍拖      都係過左好耐既事我先答佢地

星:係呀   我同佢拍緊拖啦

你仲記唔記得    有一次發生左件事
你係咁打我電話搵我       但係搵我唔到


你身邊既人都搵你唔到    佢地打比我   我都唔知你去左邊
到左夜晚你同我講      你話點解係你最需要我既時候    你唔見左
對唔住    因為我果陣仲未真真正正咁愛上你     
到依家你一個電話都唔會再打黎     反而我就咁執著你既說話
以前較震機訓教     改為聆聲   較到最大聲
你係一個夜訓既人    我好怕你夜晚有事既時候搵我   你搵我唔到