願記憶可以再來多一次: 拍拖

中五   係一個充滿回憶既時間
雖然當初你唔想我入學生會   怕我會鐘意個到既女仔
你知唔知呀   當我被你擁有既時候   我就係屬於你
我唔會自己走左去    當你要放棄我既時候   就好似依家咁
其實我覺得最痛苦果個人係你   唔係我

入到學生會   其實都唔算好多野做
而我同你既關係亦都愈黎愈親密

當時我好鐘意同我MISS佢地食飯


一齊傾計   咩都傾

我仲日日同我班主任講我愛你
我真係好多謝佢地    因為佢地真係好好
或多或少  教到我做人既道理

當你同我講   你唔想我成日同佢地食飯
我已經好聽你講   愈黎愈少同佢地食
唔知你有冇察覺到呢? 



身邊差不多所有人都覺得我同你好幸福
我真係好幸福      知道嗎?

同你出街睇戲   食飯   上我屋企玩
每一件事都好幸福   

其實你真係好易比人影響到呀   
我同你拍拖    其實真係好幸福
唔洗好似其他人咁    你成日見到其他人表面有幾幸福  
你知唔知我一直以黎   就算分開左   我先覺得我同你係成間學校入面


最幸福既情侶  

人地表面風光   男既就成隻狗咁
你見到人地個男仔成日要陪條女就更係開心啦
但係我覺得呢D唔係情侶呀    而我地先係好似拍緊拖咁   
見人地接返學   又叫我接你

米妮:你睇下人地  每個小息都黎陪女友呀  你呢  次次都唔黎
星:咁樣唔係幾好架    我覺得好似佢地咁拍拖唔好囉
米妮:哼   唔彩你啦   人地個男朋友幾好  又接返學又小息陪   你就咩都冇
星:下個小息陪你一陣啦  好冇?
米妮:嘻嘻


仲有呀你知唔知我唔係唔接你呀...


你每一次落樓都係差5分鐘就遲到

我就每次等你10分鐘  仲要每次就黎遲到你都仲未出現
所以我每次都等到個人扯晒火   我有我既原則
而你其實想我接你  都好應該早小小落
不過再冇呢個機會接你啦  

最後一日既返學日   我係你樓下   等左好耐好耐
知道嗎?