願記憶可以再來多一次: 承諾

終於我同你既關係愈黎愈親密    我開始帶你周圍見我身邊既朋友
以前既我唔會帶你去認識我既朋友    慢慢地慢慢地你變為我身邊既一部分
我都好想你認識我身邊既朋友    成為我既一部分

組織學生會     帶你黎一齊幫手   (其實好似係因為有女仔係到   你話要睇實我)
不過我真係好開心   因為你開始慢慢融入我既生活
你咁擔心我會離開你真係好多餘...因為我知道自己係一個重情既人
我完全冇諗過你同我會有分開既一刻      仲記得有一次
我咁同你講



星:米妮呀   如果有一日  我同你分開  我諗話提出離開既人會係你

聽到呢句說話既你   當時已經淚流滿面   知道嗎?
因為我清楚明白到    我愛你  唔會因時間而淡  

你喊住口咁同我講既每一句說話   其實我都有聽到
我從來都唔想親口答應你既承諾   因為我一但答應左   就係要做既人

米妮:如果有一日我真係離開你   你要捉住我隻手   千其千其唔好比我離開你
米妮:我已經係你既人啦   你大個要娶我


米妮:第時我同你生個BB


好多好多既承諾   我都放左係個心入面   至少我仲未答應你
我都有權決定我做定唔做    不過原來呢D野講出口可能你仲開心
唔洗到你離開左    我先知道原來自己個心一早應承左你

係中五  可能係我同你最快樂既時光    
同你去迪士尼玩    好開心
同你去影相不過就真係慘左D    



米妮:我想同米奇影相呀
星:又影?影左好多啦喎  下次再影啦
米妮:唔得呀   下次都唔知等到幾時啦
星:好啦好啦  影埋佢就走架啦
米妮:過多十分鐘公主出黎啦喎   不如影埋先啦
星:....下  唔好啦
米妮:我要同公主影相呀
星:好啦好啦

就係咁   果日同左好多卡通人物影相

果一次好似係個咩傘兵開既日子
我同你排左好耐好耐   
坐左去之後    架野飛上天


你嚇到傻左
但你唔係攬埋黎我呢邊    你唔知做咩攬向個呀婆到
仲係到狂叫     我見住對面D人係到笑你

星:你岩先好肉酸呀
米妮:你就肉酸呀
星:岩先我見到對面d人係咁笑你
米妮:唔準再講啦   哼
星:好啦好啦   唔講啦


呢d回憶唔知你仲記得幾多呢    其實同你一齊真係好快樂    
我與你太幸福了
或者   你真係好似成為左我屋企人    原來屋企人離開係咁痛苦
而你又明唔明白我對你既愛有幾多?


你知唔知只要你講出口   我好多野都會為你做
只不過我真係好蠢好傻    完全估計唔到自己原來已經深深咁愛上你
差不多冇同你講過我愛你   到依家我明白自己有幾愛你啦