願記憶可以再來多一次: 兜

過左無耐  你送左你比我既第一份禮物
係一條頸鏈   直到依家係我唯一一樣帶住你比我既禮物
佢唔係刻住我同你個名
而刻住左Stars呢個字   雖然代表唔到你同我
但係我最鐘意係呢一條鏈
個名雖然代表唔到d咩   但願我都好似可以好似星星咁
希望你見到星星可以諗返起我啦   而唔係忘記左我


好多謝你一路以黎送比我既禮物


而我就冇咩送野比你    只係間唔中同你出街
其實我好想同你食好多美食   如果你話想去食野我多多錢都肯同你去食
可惜既係你買黎買去都係銀包  戎指   貼紙
買得多我覺得呢d錢無謂先唔比你買   知道嗎?

唔知你依家仲有冇用我買比你既銀包   戎指  貼紙啦  傻米妮

傻米妮   你太易比人呃啦
你仲記唔記得我屋企樓下間零食店?
間唔中我同你落街買野食  你就要叫我陪你去買埋d小朋友零食


間店名就叫豬仔樂   我就同你講  間店叫樂仔豬
你又會信我   你好傻豬呀
格一排你就會問我   


米妮:兜  間店其實個名係叫樂仔豬定豬仔樂呀?
星:樂仔豬呀 (其實係叫醋仔樂)
米妮:我地快d入去買野啦   我要食古古力
星:又買古古力食




間店入面個老闆都應該記得我同你
有次仲唔小心望到間店有塗改帶賣  我仲問食唔食得
原來零食店都會賣塗改帶   仲比你笑左好耐


米妮:兜仔你好蠢呀    點會食得架
星:我點諗到零食店會賣塗改帶呀
米妮:好蠢呀兜仔


點解你會咁叫我?仲記得嗎?
你話我個樣似麥兜   
我同你既稱呼有好多好多  
我只係知道我同你既關係愈黎愈親密


大家叫大家既名已經慢慢變化左好多   

肥兜  兜仔  米妮  老鼠仔  肥bb  呠呠仔
我同你既稱呼   你仲記得嗎?
到最後我同你都只係叫大家做兜     諗起真係好開心

星:兜呀  你做緊咩呀?
米妮:冇呀  兜仔你呢?

唔知你望到你成張床既麥兜   又會唔會諗起我呢隻兜呢..