願記憶可以再來多一次: 迪士尼

米妮:兜   我想去迪士尼玩呀
星:好啦  我問家姐借卡啦
米妮:好野

第2次去迪士尼玩    又係同你影好多相
仲記得有個外國靚仔係我地前面玩彈弓狗
我就話不如搵佢影相   你就叫唔好  HEHE

果一次係我地走之前   比D職員搵我地影相
你仲記唔記得你好鬼驚青



職員:你地2個可唔可以幫我地影張相呀?

星:好呀
米妮:HMM..好啦
米妮:兜   點算呀   因間影左D相會唔會上雜誌架?
星:傻既  點會冇啦啦上雜誌呀
米妮:佢地要我地拎住D野影喎   幫佢地宣傳喎
星:唔會架   信我啦
米妮:如果上左雜誌比媽咪見到咪死?


星:唔會架


果一日你仲好驚係咁講  你真係好蠢
返去既時候  我仲記得係地鐵上面冇位坐
我攬住你  你攬住我   好?好?
大家就好似支持住大家既身體咁   
返到屋企你仲驚緊   傻米妮  如果上左雜誌咪仲好
比全世界都知道我同你幾咁幸福   連迪士尼都搵我地宜傳



不過我地已經冇機會去第3次迪士尼啦   

同你出街要等你  我冇所謂   但係返學真係等唔到  對唔住
仲記得有時同你出街去某個地方   你講野真係好可愛


米妮:死啦死啦死啦  遲到啦遲到啦
星:死啦死啦死啦  遲到啦遲到啦 (成日學你講野)
米妮:唔彩你啦


唔知你體唔體會到   我有時會拍下你隻手
你真係好小朋友   而我就好想保護住你
你對人既體諒唔多  仲好易炆




米妮:妖  個八婆一野撞埋黎囉
星:乖啦  可能佢唔小心撞到
米妮:唔係囉  佢仲要JAJA聲囉
星:咁衰既佢

其實你有時講野好粗魯呀  

米妮:你睇下個細路  一定係大陸仔黎
星:下  咁你又睇得出?
米妮:好易睇架JA
星:咁呢個係咪大陸仔呀(指住)
米妮:唔係喎
星:咁你係唔係大陸妹呀?
米妮:你就大陸妹呀




其實好多時候  我好想話你知人地可能真係無心
同埋唔好歧視人地呀   知道麻?
我既小動作唔知你有冇察覺到

拍下你隻手   彈下你額頭