Ch.10 特別的飲食技巧 

除夏天日照時間去到夜晚九點幾,晚飯時間都會延至九點幾十點。Fernanda 解釋係有陽光食唔落dinner,而Romans既原因就係 Miguel同 Isabel既診所都要10點先收工。阿根廷既醫生比香港多中間一個break 但人工上就低一節,而且阿根廷仲有好高既入息稅(40%,好似係)。同香港相反既係醫科學位多啲,競爭細,話左神科係engine 嘛! 

講返飲食,早餐係最奇怪既,香港早餐最少一個麵/一份多士先夠飽呀,而1.8米高既host bro Ignacio,竟然只係用5分鐘食3塊餅,一杯奶,咁我自然入鄉隨俗,但返學日子真係好撚肚餓架,而且學校中學部得大約100人,所以是無Canteen呢樣野存在,唯有捱下餓。 
至於,每日最期待既午餐晚餐同香港食個Ruby Tuesday 差唔多,有沙律做前菜,pasta同肉類做主菜,雪糕、生果做甜品,但就會一次過放哂係餐枱上。食物以外,餐枱上佢地都有一套特別既禮儀(及後發現大部分西方國家其實都有類似既野),大鄉里出城的我乜春都唔識,第一個月就破哂佢地啲禁忌。一、食野唔可以有聲/開口/講野,人地問野就要舉個手掌示意等一等 

二、飲野更加唔可以雪雪聲,所以有冰就要俾門牙硬食或用飲筒,三、離開飯枱要睇時機,唔係就要解釋話”Me tengo que XXXX” (I have to XXXX) 四、絕對唔可以玩胃氣,即使獎門人觀眾會覺得”Urg”到大大聲好似好好玩咁,但係西式餐桌上呢個係極可怕既禁忌。回想初到步果個Orientation Camp,楓食完野就唔覺意咁Urrrrg 左一下,對岩岩熟落既鬼仔黎講當然好好笑,但有個德國仔話如果楓咁樣係佢屋企做 ”My mum will put a knive into your mouth, twice!”

至於食物存儲方面,阿根廷人就唔興留隔夜餸。通常都係午餐煮好多,淨底既肉類放入巨型保鮮盒-焗爐;晚餐都食唔哂既食物就會撈埋狗糧餵狗。 



已有 0 人追稿