出走一年:阿根廷的月光特別圓: Ch.9 夏天為我帶黎改變

踏入十二月，漫長既暑假正式開始，一直去到出年三月。上回講到我兜兜轉轉終於搵到下一個host family，即使對佢地毫無認識，都要執拾行裝，繼續交流生漂泊既旅途。 

進入Romans 大家庭已經係聖誕前既一星期，鬍鬚爸爸Miguel同Host Bro(Ignacio) 係門口歡迎我，然後逐一同我介紹Host bros: Jeremia, Facundo, Miguel II, Host Sis: Lucia。佢地總共5姐弟，只有Ignacio係 Roca到住，其他都係首都讀緊大學，返黎放聖誕假姐。新既屋企都係Roca既Tucuman Street 附近，算叫做就腳，雖然新既Family係Roca既屋企入面無泳池，但佢地係Town外有間渡假屋，渡假屋隔離有個泳池、有個大草地、仲有2個龍門可以踢波添！去圖啦 

新房間，無之前咁豪華，但可以睇住電視瞓覺 
btw, 阿根廷電視有40~50個台，有2個台12點後會變成人台 [Description: sosad]]  
 

懶懶閒既下午 
 





點解我講到咁重要呢，其實係有佢既實際作用架。一係General Roca雖則屬於南部，但夏天日頭都可以上到成40度，太陽9到10點先會落山，真係好熱架 [Description: banghead]]  。二係阿根廷屋企都唔興用冷氣，唔係價錢而係文化問題，Romans其實全家都做醫生，但一樣無裝冷氣，所以最好既避暑方法，除左去南部旅行，就係浸係泳池飲返杯Cocktail。三係當地既公共泳池得3個，但全鎮有成8萬幾人，去過一次，啲水係綠色 [Description: _@]  


承巴打所言 好矮瘦既樓主在泳池 [Description: sosad]]  
 

阿根廷人既桑拿：曬太陽曬到熱辣辣 然後跳落泳池。開頭我仲覺得一身汗落泳池好核突，但原來真係好爽






其他host bros都會帶朋友黎渡假屋一齊玩下 

 

之前都有巴打提到交通問題，雖然Roca只係小鎮，但我可幸住係城市果部分，如果無屋企人車既情況下，都仍然可以用單車代步，遠至去渡假屋5～7公里既距離我都會同朋友仔一齊踩單車去。在此一提，揸車係交流機構明文禁止既三種行為之一，即使大部分有車牌既美國仔都無計，另外二樣係吸毒同截順風車。