(青梅竹馬)逆。時光: (8)

在中五的那一年夏天，我倆都剛剛完成會考。會考過後，大多數考生都會於這段空白時間出外找兼職，旅行，或是宅於家中。因於我倆早已各自有一份穩定的兼職，不用急於賺錢去旅行。故我們都選擇各自呆於家中，好好享受試後至放榜這段上天慰勞考生的時間。

~放榜前兩星期的晚上~

「仔呀，呀媽...我有樣消息想同你講 ，等你有多少少時間準備。」

「媽...媽...你...唔係想同我講你有can...」

「Cancer你個死人頭，咁快就咒呀媽呀下!」



「呼，真係要睇少D事但台。咁咩事要咁認真呀!」

「哈哈! Surprise!登登登登，四張日本的來回機票。」媽媽從身後拿出四張機票，在我面前炫耀。

「下，點解無啦啦買四張機票?咁突然!!??」

「是咁的，老娘早前參與了樓下商場的購物大抽獎，殊不知就行了個狗屎運，就中左個大獎啦!係去兩個星期呀，大後日就出發啦。」媽媽此刻就跟小孩子沒兩樣。

嗯?為什麼跟某電視台的情節那麼相似，竟有主角光環。「林嘉欣巴打呀，唔好玩我啦，作故仔都唔好作到咁啦。」但事實就是如果，看來讀者們都應安然接受。



「嘩!發達啦，我想去日本好耐啦，岩曬!唔?等等先，岩岩你話抽到來回日本的機票連住宿的大獎?」

「無錯呀。」

「四張?」

「岩呀。」媽媽開始嘴角微微向上揚。

「大後日出發?」



「是的。」嘴角上揚的幅度慢慢加大。

「幾多日話?」

「兩個星期。」

「頂!!!!!!!!!!!姐係我無得去!!!!!!!」我開始失控地咆哮。

「哈哈哈!我期待的畫面總於出現了。所以我想同你講我會同老豆和嘉欣的父母一齊去。」估計媽媽看到我失控的表情比中獎還要開心。

「哼哼哼哼哼!老豆，呀媽好狗呀!佢特登玩你個寶貝仔呀。」

「我咩都唔知。」爸爸即時跟媽媽打了一個眼色。

原來一切都是一個局，我只係完成這個佈局的最後一塊拼圖。



「咁我平時食咩呀，唔通日日食杯麵呀，定係日日出街食呀!」我試圖扭轉敗局。

「拿，依個問題我地四個一早有答案。為左解決依個問題，我地決定派一個人係依個時段照顧你，而且包你滿意。」

「唔係咩七嬸呀麻，我寧願日日食杯麵算!」

「NO NO NO!」

「咁係邊個咁神秘呀。」

「答案就係嘉欣啦!」

「下!嘉欣!!??」