(青梅竹馬)逆。時光: (74)

「John?」我先是遲疑了一下，然後驚呼:「Oh my goodness，岩岩果個男仔就係你?」

「嗯，你唔係以為我個妹背夫偷漢丫麻。」John奸笑道。

「呀哥你重係咁衰架，咩背夫偷漢姐，我同皓天又唔係夫婦。」嘉欣裝著要打她的哥哥。

對，John就是嘉欣的親生哥哥，比我們大五年。嘉欣大哥從小就照顧著我，把我當作親生弟弟般，籃球這個興趣也是因他而起。我們三人都是就讀於同一所中學，於該時期，我們都形影不離，父母們都戲稱我們作「三劍俠」。好景不常，於我中二那年初夏，他選擇了到英國讀書，一讀已經是七年了。七年後的今天，我們三人重聚於同一個地方，但偏偏卻在如此尷尬的情況下發生。我都不知道如何回應，只是在原地傻笑。

「係呢，天，咩欣欣無話你知我今日返黎咩。」John好奇地問。



「唉，如果知就唔知發生岩岩件事啦。」我望向嘉欣尷尬地低頭，手不斷摸著腦袋，為剛才的魯莽而感到慚愧。

此時John也望著嘉欣，等待著嘉欣的回覆。嘉欣只是嘟起雙唇道:「咩姐，人地本黎想比個驚喜你架麻，點知會變左驚嚇姐。」

「對唔住。」我低著頭說。

「好啦好啦，你地要耍花槍就自己行埋一二邊耍啦，無眼睇你地兩隻野呀，唉。」John輕輕地拍一拍我倆的頭，然後就拿起行李轉身離開。

「喂喂喂，呀哥，你去邊呀。」嘉欣捉著我的衣角，然後跑上前問。



「ER......我肚餓呀，去食d野先。」John轉身向我打了一個眼色。

「嗯，我都有d肚餓，行lu。」嘉欣笑著說。

=================================================================
笨蛋嘉欣，你呀哥岩岩先食完飛機餐就肚餓，邊有咁快呀。