(青梅竹馬)逆。時光: (91)

「哈哈，好似又係喎。我記得小學果時中文堂，輪到你係班上面介紹本故事書，你係講講下講到喊，最後要Miss Ma安慰左你十分鐘你先無事炸。」明明說的是我的醜事，但嘉欣倒是樂透了。

「呀...唔好再提。我去到依家都忘記唔到。」我無奈地說。

「你呀你呀，真係睇少眼都出事。」

「車，我依家咪重好地地，生活得幾好。」

「哼，係我睇住你炸，懶叻。」



「係啦。係呢，嘉欣呀，有樣野我想問你好耐。」

「嗯?」

「當年form 6，你明明可以入恆商，再去d好d ge U，點解你重留係原校?」

「呀?點解你講到好似唔歡迎我咁?講，係咪我阻住你溝女先。」嘉欣裝著生氣地說。

歡迎 我怎麼會不歡迎呢，我當時聽到你說要留在原校升讀，高興得都來不及放炮仗了。不過，我只是覺得很意外，很意外可以繼續和你同一班。



「無...無呀。」

「傻仔，哈哈。」嘉欣笑著說。

當晚我們談著談著，不知不覺間，已經到了三時多了。

「哈哈，嘉欣呀，你重記唔記得你上次食壽司果時呀...」

「...」



「喂。」

「...」
呵呵，原來嘉欣已經睡了，我靜靜地躺在床上，耳朵貼著電話，聆聽著耳邊傳來的風聲，我就這樣維持著這個姿勢五分鐘。

「嘉欣，其實我好鍾意你，你等我，一定要等我。」說罷，我便掛了線，慢慢地蓋好被，慢慢地入睡。在夢中，我夢見我的將來，夢見一位女孩，夢見一個家......