不能愛上的星級女神（番外季）之 海王博弈: 遺產（上）

「關語芯，我想你話我知，你點解會唔舒服？你其實…邊度唔舒服啊？」

翌日我們下班去吃飯，若嵐終於開口問我這個問題。到底我該不該告訴她中學發生的事情？這件事我確實沒有告訴別人，除了陳醫生和臨床心理學家。－來我不希望收穫別人異樣的眼光、或者同情的語氣，二來亦真的受不住每次回想畫面的痛苦。
「應承我，唔好問。」我冷淡地說。
「嗯，我知，我哋都唔係啲咩關係。」她這句，我猜有一半的情緒是來自今早起床時我收到Annie的訊息，第一句她就說「我掛住你。可唔可以過嚟搵我？」。
「咁你都唔好問我，聽日後日同邊個食飯。」她輕描淡寫地說。我知道她是故意的，但我當下無法回應她的需求。就這樣我們安安靜靜地吃完這餐飯各自回去。

她確實去了找Beverly過夜，我也神推鬼撞去了Annie家。她家住九龍的低密度豪宅，三層連花園天台，私隱度甚高。
「Hilary，隨便坐～呢間屋平時我一個住，我個仔同我前夫住半山，我有陣時會過去同佢哋住，呢度主要交俾管家打理。」我環顧四周，室內舒服且開揚的設計，配上一堆藝術品，盡顯主人品味。
「我仲有幾架車，一陣帶你去睇下。如果你中意，我送俾你。」她這句倒令我有點受寵若驚。




「Annie，我無功不受碌……」她忽然吻向我，殺了我一個措手不及。
「你覺得我點啊？」她忽然這樣問，我還未回答，她便說：「你一定覺得好突然。我想…你聽我講個故仔。」

她讓管家準備好晚飯，一手把我牽到飯廳，很有風度地為我拉椅子。桌上是一堆五星級酒店菜單的美食，甚至還有我未見過的食材。管家為我們斟好美酒，Annie和我亁杯開始，她的故事亦云云道出：
「我屋企好保守。好細個我已經知道自己唔中意男人，但迫於無奈，加上我屋企人得我一個女，最後我嫁咗比我前夫，生咗我個仔。我前夫係屋企人好有錢果d，亦都係獨生仔。知道我生嘅係仔，幾乎咩都送晒比我同我個仔。如果話有錢係萬能，有錢可以有更多選擇，我會話，除咗愛情。原本我都諗住算啦，我屋企人開心，我個仔開心，我唔開心有咩所謂？直至我屋企人過左身，我驗到末期blood cancer，先發現原來我最想做嘅嘢，係試吓同一個女仔一齊。」
「你…」
「我知你想問咩。治療過啦，唔得。」她把假髮脫下，我再次被震驚。
「其實我都冇諗過會遇到你㗎。你記唔記得你之前有套戲，係演一個成世人都為咗別人而活嘅人。嗰陣我覺得我就係你。所以，之後就一直留意你做戲，亦都係緣份，俾我遇到你。」

天啊！給我劇本我也不敢這樣演，居然還是真人真事，給我遇上了。雖然我知道人生永遠比戲劇更戲劇，單是我自己的人生已經夠戲劇性。





「曾小姐。」「鄧律師！」什麼？我剛剛還在消化這個劇情，管家把這個叫鄧律師的人帶到我們面前。
「曾小姐，你要我準備嘅文件我準備好啦。」
「Hilary，呢啲係我財產轉讓嘅文件，你搵個律師幫你睇吓。」
「Annie…你咩意思啊？」我差點嚇到酒也噴出來。
「可能係我最後一次嘅交易，我有絕症呢件事，我想你幫我保密。我想你陪我一個禮拜。」她望向我的眼神，令我勾起母親被打時望向我的眼神。
「你…擺低先我返去睇。」我一直下意識向後退，「Hilary…」「我…我去廁所…」「你冇野吖嘛…」…忽然強烈的壓迫感湧上心頭，我眼前一黑。