不能愛上的星級女神（番外季）之 海王博弈: 局外人

我看見若嵐發現了我們，不但對著我更囂張，更加吻向Asther耳窩。我握緊酒杯一口乾下剩餘的酒，一股醋意衝上心頭。
「Hilary你去邊啊…」我帶點怒氣又開始醉意上頭，走到萬若嵐身邊，此時Asther終於留意到我：「咦Hilary？咁岩嘅？」
「喔係呀，我咁岩路過。」見到她們桌上的六杯shot，我望向若嵐，扮作驚訝地說：「之前聽你家姐講你平時好少飲酒架喎。你今晚…」我意味深長地望向Asther，她吞吞口水，撥了撥自己瀏海掩飾尷尬。
「想點啊你？」若嵐有點生氣卻又不失可愛。
「哎…唔好意思我飲多咗少少……咁我唔阻嵐姐你…咳嗯…」我故意對她們回了個意味不明的笑容。

我剛回到座位，就看到Asther先離開，看來我這招還是有點用。我計劃得逞後叫了一杯長島冰茶，嘴角不自禁上揚。不出所料，若嵐提著酒走回我身邊，帶點不滿地說：「你好野關語芯！自己去歐洲同Annie風流，就唔比我同Asther交流。」
我帶點傲慢搖著酒杯望向她：「唔好意思嵐姐，係咪阻到你食女啊？」
「你好野～」她好快地乾下手上的杯，正要叫侍應生結帳。我不慢不疾走到她帳單前付款，有點得戚地回望她，她似乎更生氣，提袋就想走。
「萬若嵐！」－離開酒吧，我一手拉緊她，從後擁著她。她帶點生氣和不忿想掙扎，但我抱得更緊。




「放開我啊你！」
「唔放…」我在她耳邊細語。
「放手啊關語芯…」
「嵐姐，我同Annie真係冇嘢架…」我溫柔地低聲說。
「你話冇就冇架？我同Asther夠冇啦…」
「你知我愛嗰個唔係佢…」
「我唔知！」她有點生氣。我吻了她臉頰一口，溫柔地輕聲道：「唔好嬲我啦海昕～」她放軟了手，轉身望向我：「你好渣啊關語芯！」
我裝可憐地雙手拉住她，擺出求原諒的表情擺動她的手：「嵐姐～～～」
「你比個理由我？」她說。
「可唔可以遲啲先比呀？」我裝可憐。她瞪大雙眼，大力捏了我手臂一下：「你得架你關語芯！」




「痛痛痛…」
「你抵死架！」
「你meet啦～～～」我把她手放到手臂上。
「痴線架你！」……

但經過這晚，加上最近對台挖角，Asther去了對台公司，好像都好一段時間沒有找若嵐對話。雖然這個月若嵐幾乎二十四小時貼身黏着我，但這個局面在兩個月後被一個震撼的消息打破：Annie過身了。

我收到她前夫用她電話傳來的訊息，我便告訴了若嵐那次跟Annie去旅行的原因。
「原來我誤會咗你…」若嵐有點內疚，我輕撫她的髮尾：「你知我以前經歷過唔好嘅嘢，Annie呢一世都係為咗佢屋企人同埋佢個仔而活，只係因為末期，佢先至趁最後幾個月追番佢嘅人生。估唔到……」只是收到消息不久，門鈴便響起，外面是兩個陌生男人和一個女人：「請問係咪關語芯小姐？我哋係Annie Tsang嘅助手同埋律師團隊，想問你方唔方便？」





Annie給我留了一封信，信上面幾行字，卻令我很崩潰：「Hilary，多謝你喺我人生最後嘅階段選擇陪我。雖然你決定唔要我嘅財產轉讓，但我依然希望你可以接受我嘅遺產。除咗因為呢套戲同埋你嘅善良令我呢段時間過得好開心，仲有一個你可能抗拒嘅原因：你中學嘅嗰件事，牽涉事件嘅其中一個係我姨甥仔。前幾年意外喺哥哥口中知道，對唔住，我冇心瞞住你。你唔需要原諒佢，因為比着係我，我都唔會原諒。呢筆錢，就當係我支持你就算經歷咗一個點樣嘅人生都好，都做好自己嘅一個選擇。Annie絕筆」

我跪倒在地上哭泣，若嵐心痛地擁緊我。為什麼要讓我知道她也是有目的？律師團隊宣讀我獲得的遺產：四間上市公司的股份、香港五個物業、車位連車、海外一個物業，一個慈善基金。那三間上市公司並非他前夫的集團股份，但其中一間是集團旗下的物流公司。另外分別是上次提到的商業私人飛機公司、一間傳媒公司及餐飲集團公司，全部都是最大股東，殊不簡單。