不能愛上的星級女神（番外季）之 海王博弈: 到此為止

「我識嘅Hilary並唔係咁…」他走到我身旁，我正在吧桌倒酒。我給他也斟到一杯，面對這位好朋友，我也不會轉彎抹角：「我同若嵐唔會有可能架…」說罷我一口喝下半杯紅酒。
「咁耐以來無論你做啲咩我都係無條件支持，你除咗係我好朋友，仲係我最愛嘅女人。但係你真係甘心？睇住你愛嘅人同第二個一齊？」
我反問他：「咁你好想我同第二個人一齊咩？」
「唔想！」他果斷地回應我：「但係我更加想你開心。」我笑了笑，他也仿佛明白了。
「陪我飲？」我提起杯子，他主動乾過來，－口清光。
「睇嚟你搵我仲有其他事喎…」我看出他的心事，他眼神中帶點不捨，凝望着我：「我嚟緊要結婚啦…」

我也把剩餘的酒喝光：「睇你呢個樣，唔似自願喎。」他苦笑：「你知我屋企咩環境啦，無論係我阿爸定係我家姐，都係同另一個集團嘅人結婚。商業帝國，你明啦。我同我未婚妻見過幾次，樣同身材都冇你咁好，冇你咁深情，但佢嚟緊會接手佢阿爸嘅集團，生意上應該拍得住你嘅智慧。」
「張宇生，你點可以咁比㗎？」我靠近他。
「同佢相處左咁耐，無論你嘅性格、你嘅想法、你嘅價值觀，都係我喜歡嘅。我未必係最了解你果個，但我敢肯定係其中一個。」他和我曖昧地對望。




「你知唔知，你真係一個好好好好嘅男仔。」
「不如試吓愛上我？」我們相望而笑，再乾一杯。

老實說，雖然我的童年和中學讓我重創，但遇上若嵐、Annie和張宇生，雖然他們都在追求我的心或者我的價值，對我皆有所求的，但至少讓我知道，這個世界也非一面倒。張宇生給我轉帳了1億3千1百4十萬，大概他結婚以後，我們無法再聯絡的意思。

這個月我在公司默默地留意若嵐的動向，特別是有Asther的時候，有時候我感覺Asther察覺到我的存在，卻又沒有拆穿我。原來我只打算默默在身旁觀察，直至一段時間後的某天，我下班在公司門外看到Asther跟一個男人在親熱擁吻，正好看到轉角下班的若嵐，她看到這個場景立刻呆立當場。我想也沒想，急急走過去牽起若嵐的手找Asther對質。Asther看見我們彷彿像預料之中一樣，她讓男友先去餐廳等她，她隨後就到。我們找了個遠離公司一點的地方對質。

她雙手繞在胸前，非常從容自在望向我們。
「Asther…」若嵐還未問，她已經回答：「佢係我男朋友，冇誤會。」
「點解…」若嵐的問題再次被Asther打斷：「冇點解，本來我哋就冇確立關係。」「你…」若嵐有點生氣，但Asther沒有給她機會，搶先說：「萬海昕，你會嬲唔係因為你中意我、唔係因為你覺得我背叛你，只係因為你少咗可以制衡關語芯嘅籌碼。」




若嵐急了：「你講咩啊…」
「估唔到過咗咁耐，你兩個仲係度玩緊攻守。」她有點鄙視望向我：「關語芯，所有人都以為你好高深莫測、捉摸唔透你，但我睇到嘅，只係一個唔願意負責嘅儒夫。你真係咁著緊萬海昕，點解放佢出嚟玩？」我眉頭緊皺，卻又嘴角上揚，這個Asther，真的不輸Beverly，看得很通透。但其實每一個籌碼若嵐都會喜歡，只是喜歡多少而已，畢竟，這個萬若嵐可能比我更會玩。
「我要講嘅已經講完，我諗你地冇野講。我走先啦。」

若嵐沉默了，無論如何，Asther也算背叛了她一點吧？對於背叛這件事，我最有感受。我拿出外套中隨身攜帶的小酒壺，呷了一口，遞給若嵐：「唔開心就飲啖啦。」她眼角含着的淚光不自控地流了下來，一眼也沒有望向我。我收好酒壺，有點不知所措，用手輕輕拭走她的淚痕。她沒理會我，深呼吸一口便走開了。