不能愛上的星級女神（番外季）之 海王博弈: 真假難辨

這段日子我幾乎不想錯過任何一個峰迴路轉的畫面，巧合看到Mark和Paco正走去攝影棚，邊走邊說：「今日若嵐姐拍廣告，Candice同向瑾瑜都喺度，Paco你估有冇花生食？」

「若嵐試吓cool d…冇錯 Hold住…比多個我……」我到達時Candice 正留意著若嵐，她走過去向瑾瑜身邊：「雖然你哋話係借位，我就唔信，不過…以若嵐嘅條件，佢有更多選擇～」攝影棚其實很應聲，我站的角落足以聽清他們的對話。向瑾瑜又道：「你講咩都好，我同若嵐都只係工作同埋朋友關係。」
「係咩？咁啫係冇關係啦？」看見Candice對向瑾瑜的挑釁讓我不禁連連點頭奸笑。

若嵐換了一條低胸長裙，加上淡妝，瞬間把我、Candice和向瑾瑜吸引得不行。
「喂！你望咩啊？」瑾瑜看見Candice看著若嵐的事業線正望得入神：「你自己仲大啦，唔准望若嵐！」Candice說：「你又知？」此時若嵐和Paco發現了在角落的我，Paco走向我，若嵐眼神呆滯了數秒，結果裙被勾住了。向瑾瑜走去把外套脫下綁在她腰間護送她離開攝影範圍時，在一瞬之間，她破了的位置勾到一支燈，那支燈倒向不遠處的Candice。

「朱小姐小心！」向瑾瑜保護了Candice，若嵐嚇一嚇，又第一時間望向我。「有冇事？」「call白車快啲！」「瑾瑜！」萬若嵐有點嚇倒，走向瑾瑜：「你點呀？打到邊個位呀？」「條腰…」
「你哋聽住！」她忽然向其他人特別是燈光師哭着生氣地大喊道：「如果向瑾瑜有咩事，我會出律師信追究責任！」若嵐望向我這邊，與我隔空對望。對於她忽如其來的大喊我也嚇到，但隨後我頭也不回離開了攝影棚，獨自走到外面掏出酒壺呷了一口。




「呷醋啊？」不一會我收到若嵐的訊息，我又已讀不回，但我真的在意了。

直至有一晚，她忽然傳了個飛鵝山夜景給我，訊息問我：「你而家可唔可以過嚟我屋企樓下等我？」我有點好奇，當我過去的時候看到她從瑾瑜的車下來，瑾瑜離開了。她一步步走向我，溫柔地問：「可唔可以陪我飲杯嘢？」便上了我家喝酒。

「試吓87年嘅mouton…」我故意端來她不喜歡的紅酒，斟酌一杯，她睨了我一眼：「你特登嘅…」
「我個魚塘裏面有好多魚，你真係覺得我會記得邊條魚鍾意食啲咩？」我搖着酒杯，聞了一下紅酒揮發的香味。她歎了一口氣，直入主題：「瑾瑜同Candice有D野。上次poolside party，佢哋兩個好曖昧。而且…」
她壓低聲線：「瑾瑜一直唔比我掂佢…」我笑了出來。
她盯著我：「你好啦喎關語芯！」
「OKOK…」我呷了一口酒，問：「咁所以你唔開心？」「少少啦…」她呷了一口，眉頭緊皺望向我：「哇…我都仲係理解唔到咁苦點飲…」
「因為我地口味唔同。正如我都想知，你中意向瑾瑜d咩…」「安全感。」她打岔，與她對望。我苦笑，一口乾下剩餘的酒，淡淡地問：「咁就搶佢返嚟。」





「我唔係要搶佢，或者Candice。佢哋兩個都係我好重要嘅人，你明唔明？」
「唔明。咁你想點？」我直言。她一直望緊我，猶豫了一會：「我唔知啊…如果佢哋都鍾意對方，我當然係會祝福佢哋。但係今次唔同啊，你知道瑾瑜佢係我初戀，我唔可以冇…」她欲言又止，見我沒有反應，便說：「冇野啦。你就當我想同向瑾瑜一齊啦。」
我連連點頭地說：「OK。無論你揀candice定瑾瑜，佢哋是但一個對你唔住嘅話，佢地…」我奸笑了笑，把若嵐手中的酒飲光。
「你飲晒，咁我飲咩啊？」
「我調過俾你啦。你鍾意飲甜㗎嘛…」
「關語芯你知唔知你好乞人憎？…」她抿了抿唇，眼角彷彿有點淚光。我深呼吸了一大口，笑笑說：「你講咩啊？」－邊到吧桌拿下她喜歡的vodka，加上果汁等。她一直望緊我，眼神彷彿沒有離開過我身上，眼角在掉淚，但又無聲地被她拭掉。

「比你嘅，試吓～」我在最後加上一片檸檬點綴，把飲品放到她面前。她邊飲邊點頭，卻又止不住淚水：「好飲…」又在我面前故意擠出笑容，看得我胸口隱隱發悶。
「你唔好諗咁多啦。睇得出瑾瑜好中意你、好著緊你。你今次…一定得。」我說這句的時候連底氣也沒有了。她成功的話，也許我以後也不會愛上別人。進進退退了七八年，由當初的年少女生變成快要30的女人。事業金錢倒是出乎意料，但感情卻一敗塗地。