不能愛上的星級女神（番外季）之 海王博弈: 禁忌

說起來自從瑾瑜出現，我便不敢再關注若嵐，因為我知道，他們幾乎無時無刻也在一起。若嵐傳給我一張她劇集煞科打沙灘排球的三點式性感照，明明我看得心懸意馬，她偏偏在再傳來一張與向瑾瑜的合照，氣得我直接已讀。最重要的還是不久之後他們三人居然有新劇集，天啊根本就是在訴說他們的三角戀！

還有他們開戲前有一個晚上，若嵐非常鮮有帶點醉意提著酒瓶來到我家樓下。
「做咩啊？肯覆我message啦咩？」她臉蛋紅紅地走近我：「我唔信你唔呷醋…」她主動烘近我。
「今日冇約你初戀咩？」我裝淡然地問。
「佢頭先打電話話掛住我，我過到去，佢話掛住Candice啊，我咪叫Candice過去囉……」她提起酒便喝下去。聽到這裏，我不想再聽下去，轉身打算離開。她吻了下來，緊握我手不讓我走，眼角泛淚喊道：「關語芯！你唔係好聰明嘅咩？我做到咁，點解你仲唔知我咩意思啊？……」她是指，她故意讓我呷醋？還是她在向我表明她喜歡瑾瑜多於我？我實在…不敢想太多……

「芯姐，你又係度監場？」今日是若嵐和瑾瑜首場吻戲，我當然不能錯過，只是這是第三次Paco這樣問我。李栢言，據說他是喜歡男人，同時亦擁有比女生更縝密的心思。
「我路過…」
「上次你話路過嘅時候我記得你嗰日唔使返公司…」真的很誇張，這個男人怎麼會知道我的schedule？全公司上下，我敢說他的洞察力最恐怖。




「係咪有若嵐嘅日子，你就會返公司？」
「你…咁直接嘅？…」我被他問得有點尷尬。
「你知我同若嵐識咗好多年，我估…你係睇得最多佢拍戲做宣傳果個，冇之一。」我沒有回應他。他補充了一句：「向瑾瑜中意果個應該係Candice，若嵐亦都feel到。不如你諗下，若嵐點解仲想留住瑾瑜？」Paco離開的一瞬間，我身體的毛管恫起來，腦海裏閃過認識若嵐的第一二年，我們經常互相接下班，這個李栢言…好像見到過。

結果我剛好錯過了他們的戲，但我看到瑾瑜忽然情緒失控，一旁的Candice非常擔心，若嵐跑去看瑾瑜。到底發生了什麼？

之後有一晚，忽然收到一位稀客的來電。
「關語芯，你而家得唔得閒？」
「咦咦？Candice？冇記錯我哋拍上一套戲嘅時候你仲嬲咗我。你搵我？」
「我唔係打嚟同你敘舊㗎～你同海昕發生左d咩啊？」她很不耐煩地直言。




「點解咁講？」我好奇問。
「關語芯！！！…你同…向瑾瑜一樣！…淨係識拖拖拖拖拖……關…語芯…！！…你…好耐冇…理過我啦……」我聽到若嵐的聲音，似乎喝得很醉。朱浩婷接過電話：「我追佢果陣已經覺得你兩個有啲野。你唔好同我兜圈，佢整親隻手，你要唔要過嚟？」我猶疑了一會，說：「比個地址我。」

我到達時，他們已經幫他們包紮好傷口，把瑾瑜抬回他房間，又為在沙發上的若嵐蓋好衣服。客廳仍然有些混亂，實在不清楚剛才發生什麼事。
「關語芯……我見到佢哋一齊…就好呷醋…，呷醋…點解你…自從瑾瑜出現…之後，就成日…唔係我身邊……點解？……」若嵐似乎只是發開口夢。

「佢點整親架？」我坐到若嵐身邊，有點心痛地輕撫她包紮好的手問Candice。
「應該係將玻璃樽dum 左去電視機同花樽呢個方向，全部碎晒～」Candice苦笑，邊幫瑾瑜收拾客廳。我留戀地望了若嵐一眼，回頭問Candice：「朱浩婷，why call me？」她放下手上的掃把，坐到我身邊，也望了若嵐一眼，又對我說：「你信唔信我一開始就feel到海昕心入面有第二個？但係嗰陣我就係想保護佢，所以我肯同佢曖昧，就係想追佢。若嵐佢…好吸引呀可，我嘅情敵？」我真沒想到這個朱浩婷這麼直接，但我真的很喜歡這樣跟她對話，她真的很有性格，應該說，太有性格。我不禁笑了：「睇嚟我真係高估咗我自己嘅掩飾能力。原來唔止Paco，連你都睇得出…」
「最蠢嗰個咪向瑾瑜囉～」
「但係你中意佢喎？聽聞佢本身都係你情敵。」我帶點開玩笑反問。




「係啊。」她毫不猶豫直接承認，補充：「所以咪叫你黎睇住若嵐囉～」
「補償你搶走佢初戀呀？」我取笑她。
Candice深呼吸一口，睨向我：「關語芯你把口真係…早知唔打比你！」

這晚過後我去了馬來西亞工作，回來時不但Candice和瑾瑜已經一起了，台灣的Janet更來了香港，目標是若嵐。因為這件事，我主動向Paco查詢，他告訴我，瑾瑜擔心若嵐會不開心，所以他們找了Janet來，才發現原來Janet也喜歡若嵐。我豈有此理！這次的籌碼居然是因為Candice和瑾瑜所以找回來。還有Paco和Candice明知我喜歡誰，居然找個Janet過來？到底知不知道我為什麼叫「魔王」？向瑾瑜和Candice傷了她心，又找來了Janet，那下一部戲，就是你的「死期」。

有天若嵐傳來了與Janet在沙灘燒烤的相片，後面還有朱浩婷等人，同時朱浩婷也拍了她倆的曖昧互動傳給我：「點啊？到底幾時見到你出手？」我不禁取笑這兩個曾經發生關係的女人，居然同時想吃我的瓜。