不能愛上的星級女神（番外季）之 海王博弈: 背叛

拍完之後，我和向瑾瑜邊走邊研究下－場。剛走出大閘，便看見章樂言。雖然已經事隔多年，但再次遇到她，我心裏面五味雜陳、更是生氣。
「做咩啊？你地識架？」李思晴拾起了貓仔的手機，又問：「向瑾瑜，你過唔過嚟同我哋一齊食飯呀？」我留意到她們似乎瑾瑜有好感：「冇估錯嘅話，你兩個嘅共同話題係瑾瑜？」李思晴的表情彷彿被看穿了一樣，貓仔彷彿也有點心虛地方向李思晴。
「咁你哋聽住，向瑾瑜係我男朋友。我勸你哋唔好嘥心機～」我故意吻向瑾瑜。－方面就是想看到章樂言不安，另一方面又可以玩弄瑾瑜。
唇瓣分開了，他並沒有放開手的手。「瑾瑜，你地…」貓仔抿緊唇，表情很複雜，眼角亦有些淚光。「對唔住。」他刻意在他們面前輕輕展示與我十指緊扣的手，補充：「希望你哋明白，娛樂圈拍拖比較唔可以公開。」我賭對了，向瑾瑜順勢找我作為煙幕。這樣又更便利我和朱浩婷的隔空開火。
「我哋走先。」我們買了些外賣到我家，－直在回味剛才章樂言那個敗北的樣子，但腦海也同時浮現了中學和她的那些時光。

「你…平時咪好多嘢問嘅咩？做咩今日咁靜？」我為了洗走腦海裏殘餘的回憶，喝得甚醉。「從來都未見過你呢個樣。你唔開心，我點敢問你…」
「冇加料架…」我把酒遞給他。「其實我上次…已經想問你……」我開始有點頭昏腦脹：「點解我摸住你嘅時候，你次次…都唔硬。連落藥果次你都……」好像還說了：「我真係…咁唔吸引咩？…」然後便斷片了……

他整晚在我身邊，我開始明白若嵐所講他身上的「安全感」是什麼。明明上次落藥，今次他還願意喝。那下一次呢？難道…真的存在人之間的信任？⋯⋯





「錢銀定女人呀？」翌日我和瑾瑜開戲，「你煩咩，我煩咩囉…」他居然這樣說，該不會我昨晚說了什麼吧？
「喂…唔可以咁比㗎喎…」我有些心虛，但還是反問他：「煩女朋友呀？」
「佢要同個佢以前中意過嘅人拍戲，尺度都…幾大。」喔～那套GL。
「拍戲啫，你信唔過佢咩？」
「拍戲我信得過佢。但係我唔明個製作人係咩居心，點解要佢哋住埋同一間酒店房呢？」
「咁你即係信佢唔過？」
「係信佢哋唔過。嗰陣如果唔係我出現，佢哋都有機會一齊……」想不到他居然這樣想。他補充：「我知…我知佢哋係好朋友。但係…可能係我以前唔係呢行，我從來冇諗過呢個問題會係一個問題。到呢個問題真係發生，我先知原來自己會好在意…」
「咁點解你唔同佢講？」我好奇。
「因為…我唔想佢覺得，我唔信佢。其實我信佢，但就係冇乜安全感…」此時朱浩婷來了，不久若嵐也來了。





我知道若嵐故意不留下，是因為生氣我知道Janet來了也沒有去阻止她的追求、又不回她訊息，亦生氣我明知她和Candice有GL劇卻沒有任何表示。但我實在沒有辦法，只能將目標轉移繼續玩向瑾瑜。既然他想知Candice和若嵐的事，那我就告訴他。而且，我故意再落藥試探他，他居然又喝了！你說，他是太善良，還是真的蠢……對著這個男人，我想起張宇生。我從來不怕男人為色，代表大家的利益或價值交換。但向瑾瑜可說是聖母體質，不是在追求我的人或心，卻一次又一次相信我……