不能愛上的星級女神（番外季）之 海王博弈: 玄妙關係

「就嚟飛啦喎，若嵐姐，唔使同朱浩婷培養感情咩？」我遇上了出席完粉絲聚會的若嵐，我主動上前。
「你咁八卦架咩？我同Asther分手你又黎抽水，我同Candice去洗手間你又特登跟入黎…」
「你唔留意我，又點知我八卦？」我刻意靠近她，然後蹲下綁鞋帶，偷偷留意到她耳朵紅了：「咁點啊？你使唔使過埋嚟倫敦啊？」我奸笑了笑，她有點不忿：「笑咩呀你！」
「你話，你點解可以咁可愛嘅…」我烘近她看了一眼，本來真的想親上去，但我抑壓住自己的感覺，轉身便走了。只是我還是特意請假飛去倫敦找她，她的第一套GL，我定不能錯過！

我抵達時，想不到Candice和瑾瑜會因為之前和若嵐上過床一事而吵架，畢竟Candice選擇直接告訴他，我倒是蠻欣賞的。而且，其實每一次和瑾瑜相處，仿佛會動搖到我內心的不同地方。這個男人，俏無聲息地影響了我……

「Ladies and Gentlemen！our live show is ready to begin…」…我把他帶到國王十字車站附近，前方的舞台開始有表演。
「原來今日有表演睇。」「唔知有咩睇呢？」一開始是一個魔術表演，他們找了一位觀眾幫忙，除咗節拍跟着表演。
「喂～你點睇魔術呢樣嘢？」我主動問。




「魔術？」他考慮了一會，便回答：「其實都算係一啲娛樂氹人開心嘅小把戲。唔好睇一個小嘅魔術好似好簡單，啲魔術師就係要將個熟能生巧，快到要用慢鏡先至可以捕捉到破綻。其實佢同我哋份工都有啲似，我哋都係做一啲觀眾想睇嘅嘢、令佢哋開心。」他望向我，我說：「所有道具其實一早已經收好，觀眾嗰吓想睇啲咩，就變啲咩出嚟。除咗魔術師本人，冇人會知道佢到底收埋咗啲咩。」我們對望，感覺有些玄妙。他可以給我缺失的部份填滿，特別是對人的安全感。
「咁你呢？你收埋咗啲咩？」他問。「你唔知咩？」我反問他。「我淨係知你入面收埋咗個女人。」他確實正確，但那個女人不是他以為的章樂言。還有，無論我給他下多少次藥，他也願意喝的飲品，確實讓我對關係的想法動搖。

我們吃飯時，Candice忽然暈了，也是怪這個向瑾瑜吧，推推拉拉，就偏要Candice這麼不開心。她一不高興就親近若嵐，真把我拳頭也看硬！連若嵐看著Candice也似乎很擔心，我也不知該呷醋還是該怎樣。

「頭先見到個人鬼鬼鼠鼠喺度偷望，我捉埋佢上嚟。」我 －手把李思晴推進來，順手關門。「又係你呀李小姐？唔係跟我跟到嚟呢度呀嗎？」「拿！今次係老總比經費我黎跟嵐婷cp，點知…」她有點奸笑地望向瑾瑜和Candice，又說：「真係估唔到你咁唔信我同章樂言，原來你話關語芯系你女朋友，只不過係煙幕！你同朱浩婷先係真嘅！」若嵐望向他有點吃驚：「向瑾瑜，你搵Hilary做你煙幕？你認真架？」又望向我，眼神好不友善。

「好嘈啊你地…」「咁多個女人喎！梗係嘈啦。」
「Candice你醒拿？」「Candice你點呀？」「你全日都冇食過嘢，應該係血糖低暈左。飲少少糖水先，暖暖地唔熱架。」「真係好齊人喎…」「係幾齊人架！全部都係向瑾瑜啲緋聞女友！我都真係想影返張合照…」李思晴這句差點把我笑死。





「向瑾瑜，你頭先都冇食過嘢，食啲嘢先啦？」他們聊完後，我在旁邊打開剛才的外賣，本來打算叫他吃點東西。但Candice此時說：「若嵐你坐近d，我有d凍。」
「下你凍呀？」若嵐在坐近之前猶豫地望向瑾瑜：「瑾瑜，Candice話…」「你問佢做咩啫？」Candice打斷她的話，－手把她拉到身旁。若嵐坐近之後，Candice把被子也蓋到她身上，將若嵐的手像戴安全帶般放在她身前。我看到這個情景，雖然知道Candice 在故意氣瑾瑜，但若嵐對我的不瞅不睬，總讓我心中莫名生氣。
「若嵐，Candice之後就交返比你，冇我嘅事啦。」他冷冷地說，轉頭對我說：「啲嘢食凍晒唔好食，Hilary你山長水遠過到嚟，我而家同你去食好嘢。」他一手牽着我離開了。

我們來到酒店附近的酒吧餐廳，運河夜景盡入眼簾。
「你同朱浩婷…真係冇野？」我關心道。
「如果佢真係中意萬若嵐多過我，我唔會再加隻腳入去。」「其實一睇就知，佢當萬若嵐係好朋友。佢望你嘅眼神都唔同。」「你同貓仔一樣咁識睇人眼神。」我感覺到他是真心讚我，那種微妙的安全感覺又出來了。「而家你都識，你有冇見到啲咩？」「咁你想我見到啲咩？」他輕輕問。
「你喺我心入面嘅位置。」我故意溫柔地說，慢慢地烘近他：「可唔可以唔好，再推開我？」我吻下去，享受著向瑾瑜身上獨有的火花和給予我的感覺，還有…了解和感受若嵐當年和他曖昧的感覺。