不能愛上的星級女神（番外季）之 海王博弈: 酒後亂性

「你都幾中意飲酒喎？」瑾瑜對我說。我舉杯觀看色澤、聞香，呷了一口說：「唔同地方、唔同品種嘅葡萄，每年嘅收成都唔同。同一批葡萄用唔同木桶、釀嘅年份唔同，出嚟嘅味道都唔同。」我搖一搖杯再聞香，再呷了一口：「好似人一樣，唔同背景唔同性格唔同歷練嘅人，可以擦出唔同嘅火花。」
他笑了笑：「你都唔中意人。」
「但我享受果種火花。」我說。若嵐呆望著我，我笑著對她說：「若嵐姐你呢個咩樣呀？」
「酒果d太深，我聽唔明呀…」她可愛地傻笑。我呷了兩口，若嵐已經喝了一半，我故意烘近她：「你真係好可愛…」若嵐臉紅了，害羞地望向我。又喝了幾口酒，別過臉問Candice：「咁Candice你點諗呀？」Candice喝了幾口酒，思考了一會，說：「之前聽過一句說話，Doing something new with the same person, instead of doing the same thing with different person。冇錯，同一件事同唔同人做，感覺可以好唔同。所以如果真係搵到一個就算做一件好普通嘅事都可以好有火花嘅人，再搵其他人去同你做同一件事，其實已經冇咗個意義。」
「好深啊。」若嵐聽呆了：「但又好似好有道理。」我也希望，我會有這一天。我偷望向若嵐，又低頭喝酒。想起對若嵐猛烈追求的Janet，我們這個年紀，我…大概不能再自私，耽擱若嵐的青春。

我們喝著聊著，也甚有醉意，大家喝得面紅耳紅，左右傾倒。
「冇酒拿？」若嵐伏在桌上，把其中一個空瓶推倒了。而震撼的是，我從他們口中意外得知，向瑾瑜居然是女生！

「冇波？我唔信…」我推開了Candice。「啊…唔准啊…」擾攘中坐了在墐瑜身上，但Candice的頭埋進了在我胸上：「好軟綿綿啊…」「我又要…」我把Candice外衣脫掉，剩下粉紅色的胸罩，被瑾瑜護住Candice，說：「唔准…佢係我架……」之後若嵐也坐到我們身旁，脫下衣服剩下黑色胸罩，令本來就滿有酒意的我，全身也熱烘烘。




若嵐醉呼呼地用力推走了瑾瑜和Candice，坐到我身上烘近我，近得聽到彼此之間的呼吸聲：「關語芯…」若嵐溫柔低聲道：「話我知，Candice錫我攬住我嘅時候…你有冇呷醋？…」
我抵擋不了她的吸引力：「有…」
「你係咪覺得…我最愛嘅係向瑾瑜？…」
「嗯…」我不想承認。
「佢係我初戀…係好重要……」她雙手繞在我頸後：「但佢唔係我最想一齊嘅人。特別係同佢重新相處之後…，我更加清楚我最鍾意邊個、同邊個最夾……」
「若嵐…我…」我還未開口，她打岔：「明明你先係最了解、最照顧我果個……」我避開她眼神，正想推開她卻被她發現了。她眼泛淚光拉住我手：「你又想避！以前你都唔會咁樣避開我，自從瑾瑜出現，你就連我message都唔覆…」此刻的我和她彷彿也沒醉似的，似乎比平時更清醒。

「我果次就係想同你講，我咁把握向瑾瑜，係因為除咗佢，我冇可能再有咁大嘅籌碼，冇可能再有其他野…逼到你同我一齊……」她說完面露內疚的難色，獨自坐在床邊低下頭：「我覺得我咁做好自私，我唔係想利用佢…但係我都想爭取一下。」
我從外套拿出酒壺，坐到她身旁遞給她。她歎了口氣，呷了一口，我也接著喝了口。她忽然在我毫無準備下吻向我，柔軟的山丘頂在我胸前，臉蛋紅紅的她溫柔含住我上唇：「不如你當我係你魚塘入面啲仔咁溝啊？就好似…你當瑾瑜係男仔咁溝。一晚咁多…好冇啊？…」我實在受不住她這般誘惑。她烘近我，我把她壓在床上，由蜻蜓點水式變為激吻……





剛剛做完，只見Candice和瑾瑜彷彿醉得不省人事，Candice更躺到我們身邊，倒把我和若嵐嚇了嚇。
「若嵐…」我轉為認真模式：「我知你一直都想要穩定嘅關係。我哋…已經嘥咗七八年時間，我唔想再浪費你嘅青春。你可以再搵一個，我可以打拼事業……」
她摑了我一巴：「你頭先施捨我啊？」她似乎很生氣。
「唔係啊…」
「咁你講！」她激動地打岔。
「我有以前嘅經歷，我會焦慮，我都唔想。我只係唔想嘥你時間……」
「你係咪覺得我嘥緊你時間？」若嵐仿佛更生氣：「係呀！我嘥咗你七年時間呀嘛！明喇！…」
我打岔：「唔係呀！我咁嘅情況，你會幸福咩？」
若嵐哭了，我想靠近，她便對我拳打腳踢把我趕走，我坐到瑾瑜床旁的位置望向她，若嵐把被蓋過頭，我躺在床上一直望向她那邊，直至聽不到她的哭泣聲，我才累得一秒睡著。





昨夜實在全身也很累，又擔心若嵐，想不到她是哭累睡著了。醒來的時候我們的狀態把Candice他們嚇倒，剛想解釋什麼就被他們經理人的敲門聲急趕下床。雖然胸口一直作悶，但看見若嵐手忙腳亂，我還是嘗試協助她，只是她似乎真的很生氣，不想我協助。送了她們上班後，我拉了瑾瑜去Le Bon Marché血拼，打算挑個東西送給若嵐。始終我昨夜說的話有點不順耳。