不能愛上的星級女神（番外季）之 海王博弈: 好好放手

向瑾瑜最像女人的一點，莫過於是他很八卦，一直追問我和若嵐的事。

「若嵐姐，我買咗芝士蛋糕…」我挑好食物，溫柔又客氣的對若嵐說。
「Candice你拎去啦，我食唔落…」若嵐一眼也沒顧向我，轉身走開。我追了上去她跟前，想千方百計攔住若嵐：「萬若嵐！你介唔介意聽我…」
「你行開啦！」她臉上的表情五味雜陳，但語氣強硬。我嘗試解釋：「唔係咁架…」「玩夠未啊關語芯？我唔知你想點啊…」她有點不耐煩。
「你都係怕我爆你大鑊姐？我咪應承咗你囉。」她和我之間那個非常複雜又曖味的對望，在她眼神中也看到她對我的失望。
「唔係呀…」我看著若嵐的背影。瑾瑜前來對我說：「不如你去行下街，今晚交比我同Candice？」我輕蔑一笑：「唔洗啦。」又把蛋糕放下給他：「你同Candice食啦！」便離開，直接去當地酒吧放鬆心情。

向瑾瑜確實令我放下了不少對人的戒心。我醒來在酒店的第一瞬間，我真的很擔心被表姐發現，但他的一句「是因為我相信他，所以要先看我的意願，就沒有把我表姐叫來」，真的很觸動我的內心。但亦是他之前一句「我沒有安全感」，明明看到若嵐很着緊我，我的內心很高興，但我偏偏要違心把她推開。只能說這幾天，我的心一直沉壓着，很累。





精彩一日的行程結束，「不如我哋買d宵夜同甜品去佢哋度一齊食？」瑾瑜提議讓我有點慌了神，我說：「唔好喇，我想落club玩。」
「你又話過嚟搵我玩？而家寧願落club溝女？」他拉住我。
「我唔溝女架…」我冷冷地回應，卻不小心踩了雷。
「唔溝女？咁你以後唔好俾我見到你溝女。」Candice姐真的有點狠毒，若嵐也不輸氣勢：「係喎可，你個世界不嬲都冇朋友兩個字架啦？係度食仔有咩用啊？返香港囉。」我明明已經扚起心肝打算放棄，怎麼你們全都又要我試試？
「關語芯，你問心，你係為咗莆club先留低paris咩？你特登過嚟係為咗d咩你自己應該好清楚。」他們三人也望向我，我原本就不是那麼決絕，還要給我這個眼神。我轉身向另一方向離開，但走了兩步便回頭對他們說：「我知道呢個時間邊度仲有得買芝士蛋糕同酒，你哋跟唔跟埋黎呀？」

「我哋玩是非題酒game，順時針問三round，之後逆時針，唔答就要乾半杯。」「好啊～」「我地猜贏咗嗰個開始先。」……我們邊吃蛋糕邊玩遊戲，第二題瑾瑜奸笑地問：「關語芯！你…」「你唔好問！我知你想問咩…」我打斷了他。Candice此時附和：「喂Hilary～你要等佢問完先，支酒預咗俾你～」Candice姐也奸笑地把酒放到我面前。「關語芯！你有冇中意萬若嵐？」我直接把酒喝了一半，指著他說：「見係你哋咋！如果唔係我先唔飲。」「唔好話你呃酒飲！」若嵐似乎有點開玩笑地對我說，我有點違和地回應：「咁當然啦～啲酒係我買㗎喎。」
我接著問Candice：「如果向瑾瑜同你分咗手，你會唔會再考慮萬若嵐？」Candice確實有在思考，還是苦笑地搖頭：「我真係唔知。」亦直接把酒呷下。看來要若嵐和Candice －起還是有可能。Candice也問：「你都知我想問咩。你有冇中意到Hilary？」若嵐想也不想，把酒喝下肚。

「喂，你哋咩都唔答，我哋d酒好快飲晒架喎！」「拿我唔理！skip多次你地就要爆一個truth！咁樣公唔公平先？」「Ok！」若嵐爽快地答應。我猶豫了一會：「試下。」




「到我問。」若嵐繼續：「你對章樂言或者李思晴有冇性幻想？」「萬若嵐你真係…」「其實有都好正常。」我奸笑著。「你唔好咁得戚！」他邊慢慢喝邊望向我，問：「如果萬若嵐同你表白，你會唔會應承做佢女朋友？」我一副生無可戀地望向他：「向瑾瑜你又黎呀？」看來他今天不到黃河心不息。