一覺瞓醒，你竟然同我講香港有喪屍2-雙龍: Zombie 16：諸葛一明.

諸葛一明總算把重點講出，只不過這已經是眾所皆知的事，並沒什麼需要感到出奇的！



「我哋都知啦，洗鬼你講咩！」胡炎陽揶揄道。



「等我講埋先啦，我都未講完。」諸葛一明吞了吞口水後接著說「頭，係頭，佢哋個弱點係頭呀！仲有⋯⋯」







「你一次過講得唔得？」羅悅佩明顯感到有點不耐煩。



「我搵到血清，但唔知係唔係真嘢⋯⋯」







這次，諸葛一明並沒有廢話，而是從褲袋抽出一瓶細小如手指頭且裝滿看似藥水的玻璃瓶，表面貼了張標示「危險品」字樣的貼紙。



「喂！肥仔，你點知呢個係血清？」胡炎陽質疑道。



諸葛一明明顯對「肥仔」這一詞感到不滿，露出不悅的表情「你有冇睇戲㗎！通常喺醫生側邊嘅多數都係血清，佢哋係趕唔切打血清先死㗎嘛，失血過多死，又或者屍變而死㗎。」







「屍變又點會死呀！」寒天龍不屑地說。



「講係噉講，你哋明未得囉！」諸葛一明高舉著玻璃瓶，打量著裡面的透明液體。



這瓶是不是真的血清，連諸葛一明本身也不敢確定，心裡非常明白自己必須要有用處，才能贏得被保護的一個機會。



其實打從一開始，大家都沒有對諸葛一明的話放在心上，畢竟自己已經經歷過的事，又何需他人來說明。救他，也只不過順便而已。本來的目的是要搜索藥物幫莫子謙療傷，也順道拿一些常用藥品，只可惜喪屍太多未能如願罷了。







這樣隨便的解釋根本說服不到在場的所有人，就連諸葛一明自己都開始覺得心虛，只低下頭望著手上的玻璃瓶。



「唉，唔理點都好啦，嚟都嚟到就留喺度啦！推你出去送死，我諗大家都做唔到！」寒一鳴嘆了口氣後說道。



「多謝Uncle，小人以諸葛後代發誓，我一定會以我嘅能力幫大家。」諸葛一明跪在地上向他行了個禮，其誇張的舉動震驚了所有人。







「得喇，得喇，唔洗又跪又拜，我又唔係收你做徒弟。」寒一鳴揚了揚手示意諸葛一明起來。



既然寒一鳴都說出口了，其他人也沒有任何異議，畢竟他們也不是那種見死不救的人。



「噉樣都唔係辦法，電視同收音機都仲係得啲雜音，條街又淨係得啲人慘叫，我哋都無可能留喺度一世㗎……」李小梅自言自語思考著什麼似的。



坐在她旁邊的莫子謙似乎聽到李小梅的喃呢，獨個思考了一會後向大家提到「我阿爸有架Van仔，你話我哋要唔要換個地方，我可以揸架車過嚟。」







「靚仔，望到你先醒起我之前拎咗啲醫療嘢……」諸葛一明從黑色大背包翻來翻去。



一個小型藥箱、一包全新的繃帶、一盒盒不知道是什麼的藥和一些消毒藥水。



「屌！有又唔早啲拎出嚟！」胡炎陽不滿地罵了一聲後便翻著那堆醫療物品。「阿謙，過嚟呢邊，我同你睇一睇個傷口。」



諸葛一明用眼尾瞥了一下胡炎陽後喃喃自語道「我驚吖嘛，人一驚就咩都唔記得㗎啦……」







「Van仔……」寒天龍似乎對「Van仔」一詞有特別的想法，連羅悅佩在旁邊叫了好幾聲也沒有反應。



羅悅佩失去耐性地用力打了寒天龍的手臂一下「喂！叫咗你好多聲啦！」



「Sorry！我諗緊如果坐Van仔可以去邊……去搵石頭好唔好？」



「石頭？」眾人一臉疑惑看向寒天龍。



寒天龍發覺連自己人也察覺不到他想表達什麼便說「石霆鋒呀！」



石霆鋒——業界通常稱呼為「石頭」的拳擊界巨星，也是當年令寒天龍輸掉一輩子職業生涯的對手。



寒一鳴、羅悅佩和胡炎陽聽後反應極大，紛紛反對且怒氣沖沖。這也不難想像，畢竟自己的兒子、愛人和兄弟的一生都是被這個人所摧毀的。



「石頭打得贏我，就應該打得贏啲喪屍，多一個人多一份力，而且佢哋間拳館仲大個我哋……」



「噉嗰啲嘢呢？唔係幾十萬嘅嘢就咁掉喺度呀？」羅悅佩驚訝問道。



「如果可以改裝㗎Van仔，我個助聽器就唔會有問題，而且留喺度都會有安全問題，無嘢食無水飲都係遲早嘅事。」寒天龍解釋。



「噉去嗰啲商場呀，政府大樓嗰啲咪安全囉，點解偏偏要去仇家度？」寒一鳴眉頭深鎖道。



諸葛一明突然插話「嗰啲地方一早就已經有好多人，而且愈多人嘅地方就愈容易爆發喪屍感染。」



「吖！你個仆街仔，我好心收留你，唔幫我不突止，仲拆我臺！信唔信我……」寒一鳴舉起一隻手作勢怒罵著。



「Uncle，佢又講得幾啱，如果外面有更多人又真係會發生噉嘅可能……」羅悅佩冒著被罵的風險說。



被羅悅佩突如其來的話語提醒，寒一鳴瞬間收起怒火微笑回應「新抱仔果然聰明，妳啱！」



「俾少少時間我諗吓，如果邊個有更好嘅Idea盡量講出嚟，聽日睇吓可唔可以決定到之後要點行。」寒天龍把話擱下就獨自走上天臺，留下眾人面面相覷，一臉茫然。