一覺瞓醒，你竟然同我講香港有喪屍2-雙龍: Zombie 17：殺戮開始？.

 
眾人在餐桌圍了一圈討論著日後的方向，但卻遲遲都得不到一個更好的方案。就在此時，莫子謙站起身跟大家說了一聲「一陣見，我去搵師兄。」便獨子向天臺方向走去。
 
推開大門就看到寒天龍半蹲半站的在天臺旁往樓下的方向望去，看起來有種偷窺的感覺，但他沒有大聲呼喊，反而跟著做出隱蔽的動作慢慢接近。
 
只剩一步的距離，寒天龍突然轉身舉起拳頭，差點就要打下去時發現是莫子謙便瞬速把手縮回去，然後壓低聲線「唔好出聲，下面好似有啲嘢！」
 
莫子謙也是相當機靈，跟著把頭伸出只露出眼睛的部份往下一探究竟。大樓下有一輛四人轎車，兩名體格瘦弱的男人，手上各拿著一把類似開山戶刀的武器不知道在討論著些什麼，但從兩人的肢體動作判斷，應該是在爭吵著些什麼似的。
 
未幾，另一名體格壯健的男人用單手抓著一個滿身鮮血男人的頭髮從對面大樓走出。那個在地上不斷掙扎的男人，似乎相當痛苦且口裡不斷發出低吼。




 
「佢哋捉緊喪屍？」莫子謙小聲問道。
 
「我都唔知，我一上嚟就聽到樓下有聲咪望吓囉，嗰三個人一落車就直接走入去對面棟樓，然後揸刀嗰兩個出嚟先，唔知喺度嘈緊咩。」
 
「地下嗰條友真係好似喪屍……」莫子謙回想著。
 
「你條仆街係咪唔還錢呀？喪乜𨶙嘢屍呀！話知你老婆俾殭屍咬，再唔還錢就捉你老婆去做雞……」未等體格壯健的男人來得及反應，滿身鮮血的男人突然轉身撲向他，一口就把他的喉嚨撕出一大塊肉，鮮血頓時噴滿一地。
 
兩名瘦弱的男人隨即拿刀上前胡亂揮舞，不斷砍在鮮血男的背上，非但未有產生任何效果，反而令他飛身撲向兩人大口撕咬。




 
「屍變？」莫子謙用肯定的眼神問道，彷彿在暗示他一開始就猜對了。
 
「唔講咁多住，你阿爸架車係咪真係可以用？可唔可以改裝吓？」
 
「可以，架車放咗喺度好耐㗎喇，佢去咗大陸做嘢，阿媽都跟埋去……都唔知佢兩個點……電話又用唔到……」莫子謙低下頭嘗試隱藏臉上露出的不安神情。
 
「Sorry，我知道噉講有啲唔係幾好，但而家你要先保住條命，噉先有機會搵方法聯絡佢哋。」寒天龍輕輕拍著莫子謙的背安慰道。
 
隨後，倆人邊盤點著要帶走的儀器邊閒聊著，彷彿剛剛目睹的事未曾發生過一樣。




 
「兩塊太陽能板都要帶？」莫子謙指著儀器問。
 
「我諗住一塊裝車頂，一塊後備，唔知之後會唔會搵到個安全啲嘅地方，到時先再裝返。」寒天龍拿著筆記本邊寫邊回應「差唔多返落去，樓下見到嗰啲唔好同佢哋講，費事佢哋擔心……你都唔好諗咁多，保命緊要。」
 
莫子謙並沒有回應，只點了點頭，心裡非常明白「保命」這個道理，只是擔心家人的心情卻怎樣也藏不住，臉上不安的神情表露無遺。
 
回到住處，看到大家還是圍在餐桌，但已經沒有在討論。各自都露出非常煩惱的神情，托著下巴，趴在桌上，不然就在閉目養神。唯獨羅悅佩一看到寒天龍倆人便一個飛撲上去「阿龍！」
 
「Sorry，要妳擔心，我哋喺上面盤點……我想離開呢度去一個比較高生存率嘅地方。」寒天龍抱著羅悅佩纖細的腰間，用堅定的眼神望著她。
 
「咩話？你要我哋離開？」緊閉著雙眼的寒一鳴聞言即站起來，用難以置信的表情看著他兒子。
 
莫子謙率先插話「頭先同師兄佢評估過，留喺度可能只夠幾日嘅嘢食，食完隔幾日又要出去，噉樣嘅做法其實好危險……」
 




「而且……唔係次次都咁好彩可以安全返嚟，再加上呢區開始唔安全，你哋應該都聽到樓下成日無啦啦有人大叫，唔知幾時會有人入嚟搶嘢。」寒天龍補充。
 
「你哋咁好打，有人入嚟應該都唔驚啦……」李小梅小聲說。
 
「我明白大家唔想走嘅原因，而且又唔知走去邊。當我哋搵到個新地方，又唔知嗰度安唔安全，有冇嘢食，但係我讚成。」胡炎陽站起身向旁邊的幾人表達自己明白大家所疑慮的事，隨後又補充道「呢幾日我見到好多死飛仔喺附近，而且個個又刀又棍，我覺得出事係遲早嘅事。」
 
其實大家心裡都很清楚當下的狀況，但越清楚就越想逃避，人性就是這樣。沉默的氣氛底下，各人都不知怎樣是好，一時之間未能達到共識。但就在這時，諸葛一明沒來由地，腦袋裡某根神經突然跳了一下，走去把電視打開。
 
各位！我相信呢幾日所發生嘅事對大家唔再陌生，喪屍！又或者你中意叫佢哋活屍、行屍、活死人都得！你哋已經被政府拋棄，被世界拋棄。呢個世界唔再係你哋人類所主宰，喪屍亦唔只係冇腦食人……
 
我，我哋！係「新人類」，我哋擁有比你哋更優秀嘅身體同頭腦，我哋將會帶比香港，甚至係全世界一個全新嘅景象，一個由我哋「新人類」所統領嘅世界。
 
如果唔想受苦，可以加入我哋，我會喺「灣仔警察總部」等你！
 
三日！我比三日你哋考慮！三日後，我會開始進行大規模殺戮！我要除舊換新，為新世界做準備！




 
「呢段嘢三日前就播過……亦即係今日……」諸葛一明嚇到跌坐到地上指著螢幕說。
 
「三日前？噉你之前又唔講嘅？今日大屠殺你今日先講，今次真係弊傢伙喇！」寒一鳴雙手抱頭大叫道。
 
「我驚吖嘛，喺醫院俾喪屍圍，驚到咩都唔記得晒喇……」諸葛一明抱怨。
 
李小梅整個人抖得非常厲害，明顯感到她已經被恐懼所侵蝕，眼淚止不住地從臉龐滑下「……點算呀？我唔想死呀！我仲想拍拖呀……」
 
「妳唔好驚住先啦，香港咁大，都唔一定到呢邊先，我哋冷靜啲諗吓辦法啦。」羅悅佩抱著李小梅，嘗試穩住她那份不安的情緒。
 
 
「『新人類』到底係咩？點解要殺晒其他人？」洪家星望向諸葛一明，希望他可以解答這個荒謬的詞彙。
 
「我都想知……」




 
「走！而家就走！謙仔你架車坐唔坐到八個人？」寒一鳴突然做出一個堅實的決定。
 
大家聽罷，紛紛對望了一眼，點了點頭默認了這一個決定。
 
 
「我架係校巴嗰種貨Van仔，八個人加少量物品夠坐有凸。噉我去攞車先，我冇咩嘢拎，係得幾件衫同少少日用品啫，好快返。」
 
胡炎陽搭著莫子謙的肩膀「一齊啦，安全啲。」
 
「而家七點九，今晚十二點出發，大家執定啲嘢先。你兩個一定要小心！」寒天龍吩咐著大家。
 
待二人離開後，其餘五人各自收拾行裝和糧食，唯獨寒天龍到天臺開始拆卸需要帶走的儀器。