一覺瞓醒，你竟然同我講香港有喪屍2-雙龍: Zombie 18：離開拳館.

晚上九時多，莫子謙和胡炎陽已經開著小型貨車回到拳館，沿途為了低調而完全沒有把車燈亮起，慢慢駕駛的途中順便了解現時的狀況。

胡炎陽命莫子謙待在車上，獨個兒跑回寒天龍的住處，再幫忙把行李放到車上。

「……其實係咪唔走唔得？」李小梅抱著背包問，整個人顫抖得還是輕易被察覺到。

「我都想問同樣嘅嘢，如果出到去被嗰啲咩『新人類』追殺噉點呀？」洪家星附和。

「如果唔走，就唔知幾時先走得？唔通等佢哋殺到埋身先走咩？」寒一鳴勸說。





寒天龍沒有理會二人，跟羅悅佩先把所有的行李都搬到車上，然後才折返催促其他人。

「我……我都係唔走啦，鳴叔，你借間屋俾我住得唔得呀？」洪家星問完後不忘對李小梅打了個眼色。

李小梅支支吾吾想說又把話吞回去「我……」

寒一鳴見時間不多，用溫和的語氣說「我都唔想逼你哋，但係時間唔多，正如我個仔話齊，呢度只可以保護到我哋一時，保護唔到一世㗎！」眼看二人心意已決，便放下自己的鑰匙「你兩個小心啲啦，廁所仲有一排蠟燭，慳啲洗呀……」

當寒一鳴抵達大樓門口時，向大家快速提及二人想留下的決心後，便獨個步進車廂，默默坐到一旁低頭不語，彷彿在責備自己的無能。





寒天龍站在車外望著這棟陪他長大的唐樓，縱使心裡千萬個不願意，但為了顧全大局，還是忍痛步進車廂。正當他準備關門的時候，一個聲音叫停了他。

「等埋呀！」聲音不大，而且明顯壓低了聲線。

李小梅喘呼著氣跑出大樓，頭髮被汗水沾濕了一半，不知道是因為跑樓梯而出的汗水，還是驚慌而產生的冷汗，總之她整塊面都好像被汗水侵佔一樣濕淋淋的。

寒天龍見狀，隨即下車幫忙扶她一把「家星呢？」

李小梅雙腿屈曲，雙手不斷替自己擦拭臉上的汗水「佢唔走……哈呼哈……佢已經將自己反鎖咗喇……呼哈……」





________________________________________


一路上，大家並沒有說話，因為沒有把車頭燈亮起的關係，大家全神貫注地幫忙注意著路況，一路駛到奧海城附近便停到馬路旁。

「而家點呀？冇晒街燈好難揸，同埋成個香港好似變咗個死城噉……」莫子謙把頭伸向擋風玻璃嘗試看清前方的路。

坐在副駕駛的胡炎陽開口「換位，你瞓吓先，你個頭仲有傷，要休息多啲。」

車子再次發出引擎運轉的聲音，慢慢駛向連翔道，再直駛向青沙公路。

半睡半醒的李小梅突然開口問道「我哋其實去邊呀？」

「機場。」一旁的寒天龍回應。





「乜我哋要坐飛機咩？」

「唔係，嗰班『新人類』話會喺灣仔，我哋去遠啲應該可以避開佢哋。」寒天龍輕撫著躺在他腿上睡著的羅悅佩再開口說「妳繼續瞓吓先啦，佢哋都瞓晒喇，我同陽哥會睇住㗎喇。」

不一會，當車子駛近青馬大橋時，被前方一堆停滯不前的車輛塞住了，這明顯都是那些想乘搭飛機離開香港的人。橋上燈火通明，而且汽車鳴笛也響澈不斷，震耳欲聾，瞬間把這地點變成了一大片活鏢靶一樣。

「屌！班友係咪戇鳩㗎？靜靜地慢慢向前行咪得囉！」胡炎陽邊罵邊把車駛離青馬大橋，沿著海邊向油庫的方向出發。

羅悅佩被胡炎陽的叫罵嚇醒「咩事呀？」

胡炎陽回應「機場條路俾啲人塞住行唔郁，而家去附近睇定啲先。」

「嗰班咩『新人類』會唔會出現㗎？我好驚呀！」李小梅邊說邊發抖，把整個人縮得不能動彈。

羅悅佩見狀，望了一眼寒天龍便坐過去抱著李小梅「我都好驚呀！不過大家都會保護我哋，唔好咁擔心啦！」





到達油庫後，大家在車上邊等待邊休息，尤其要幫忙駕駛的人，更加要養精蓄銳保持足夠的體力。

時間來到零晨三時左右，一陣巨響把大夥都驚醒過來，隨即下車望去聲響傳來的方向。此時的青馬大橋上已經不止車燈的亮光，而是火光連綿且冒起黑黑的濃煙。由於兩地相隔不遠，連橋上的喊叫聲也隱隱約約傳到各人的耳邊。

未等大夥的心情緩和下來，橋上再度發生巨響，就好像『火燒連環船』般，車輛接二連三地發生爆炸，看得大夥目瞪口呆不懂反應。

「發生咩事呀……」莫子謙第一個開口。

「唔知點解突然爆炸……真係好彩……我哋唔係排緊隊，如果唔係……」寒一鳴向胡炎陽點了點頭。

諸葛一明此時不知道是不是祖先上身，渾身充滿了古人特有的智慧「陽哥，快啲開車，應該係嗰班咩『新人類』殺到嚟，前面仲有一個油庫，去嗰度避吓先。」

胡炎陽聽畢，立即命大家上車，駛向第二個較遠的油庫。





「阿明仔，你點知有另一個油庫嘅？」寒一鳴好奇問道。

「離線版地圖好重要！」短短的一句已經令眾人對他多少有點正面的改觀。

即使已經駛離青馬大橋有好一大段路，還是會聽到爆炸聲時不時傳出，彷彿像被投下了戰機獨有的空彈一樣。

「我哋要唔要入去其中一棟嘢嗰度？」莫子謙問。

「咩其中一棟嘢？」胡炎陽感到有點莫名其妙。

莫子謙指著不遠處某層發出微弱光線的地方說「前面好大嗰棟唔知係寫字樓定廠嘅嘢，側邊仲有幾棟，不過好似得佢有光。」

「可能有人喺嗰度，去睇吓？」李小梅問道。

「ＮＯ！喺妳唔確定佢係咪好人之前貿貿然入去係自殺行為，而且係咪『新人類』個大本營都未知。」諸葛一明再次「孔明」上身。





「噉阿明哥有何高見？」寒天龍語帶輕蔑地問。

「高見又唔敢，隔離無燈嗰兩棟會唔會比較好啲？我哋搵個人去探吓路先？」

「好！你去！」此時除了諸葛一明本人，大家都異口同聲地說出這一句。

為了不打草驚蛇，最後把車停好後，由胡炎陽和寒天龍兩人到有燈光的那一棟比較大的建築負責探路，莫子謙則坐到駕駛位置待命，其他人幫忙留意四周環境的動向。