一覺瞓醒，你竟然同我講香港有喪屍2-雙龍: Zombie 42：黃浩龍，星辰公主.
小提醒，之前是用粗加鈄體作為內心讀白，現改為用顏色代替，感覺會比較順眼，如果真的比較習慣以前的方式，我會考慮改回去 ：）
＊ ＊ ＊ ＊ ＊
https://www.youtube.com/watch?v=K8z1_R5YHeA&list=PLINS_9QEcO8M&index=2
星辰公主的Album已經在YouTube完全開放了！點我去聽 <—— ，喜歡的記得按讚，留言加分享 ：） 訂閱後可以隨時聽 ！
＊ ＊ ＊ ＊ ＊
自從離開離咗長洲之後，我漫無目的噉周圍行。我返過去工廠，返過去警局，都唔見何耀邦佢哋，就好似佢哋從來都冇出現過噉。我去過好多地方，以前同Mayu一齊去過嘅地方，未去過嘅地方，我都搵過。
唔經唔覺，已經嚟到二零二四年三月。長洲一戰後都過咗十個幾月，差唔多一年。自從Mayu帶走晒啲喪屍之後，香港好似多返少少人氣，街上面多咗人出嚟搵嘢食。但係唔知點解呢排啲喪屍好似愈嚟愈多，我好擔心Mayu，唔知佢係咪有咩事。
「喂！阿龍，你行慢啲得唔得呀？你等埋我哋啦！」一個頭髮染了深冷棕底色，莓果粉髮尾挑染的女生叫住了我。
「其實妳哋可以唔洗跟住我！」我並沒有打算為了她們放慢腳步。
就在我繼續踏腳往前的時候，一個染了七彩顏色髮尾到頸的女生跑到我的面前「哼！打大佬呢啲咁好玩嘅嘢，可以唔預埋我咩？」
我嘆了一大口氣，轉身望向這七個令我頭痛極了的女生。
就喺兩個星期前，我遇到佢哋，七個令我勁頭痛嘅新同伴？佢哋叫自己做「星辰公主」，好似話係出道咗唔夠兩個月嘅新樂團，人氣好似都唔低。以佢哋個外型嚟講，的確係可以理解嘅，青春無敵吖嘛！
頭先個彩色頭叫彩鈴，係隊長，佢叫自己做「Dark Princess」。佢呢個咁反叛嘅性格，的確好符合佢呢個外號。有時我都唔知佢講出嚟嘅嘢係講真定講笑，總之，對住佢我都係要小心啲。
呢個札札跳嘅𡃁妹，就係頭先叫我行慢啲嗰個嘉莉「Merida」，成日搞搞震無幫襯。咩都中意玩，咩都要有佢份。
後面著住紅白色Lolita，黑髮加上粉紅挑染嘅叫樂貝兒「Belle」，成日攬住隻好似血噉嘅熊仔喺身，都唔知係咪真係用血染出嚟……未日著住Lolita，呢個世界真係乜人都有。
隔離呢個黑髮銀色挑染嘅係芷晴「Cinderella」，講真，我真係有啲驚佢，連食咩都要爭話事權。如果佢啲脾氣好少少，應該係個好多人中意嘅女仔。
再後面綠色頭髮呢個叫夢潔「Tiana」，係隊Band嘅主結他手同主唱。我真係好佩服佢，把結他爛到噉，竟然仲可以彈得咁好聽。
著水手服銅色頭髮嗰個係葉巧娜「Moana」，我淨係覺得講嘢對佢嚟講，好似攞佢命噉，講多一句都好似會死……
行最後呢個金毛叫李若冰「Rapunzel」，我覺得佢係最正常嗰個，佢就好似一個大姐姐噉照顧住班隊員。
到而家我都唔知點解佢哋要跟住我，我亦都唔敢肯定佢哋係咪真係同伴。同樣係新人類，但係佢哋連自己點異變都唔係好記得，我其實真係好懷疑佢哋幾個人嘅身份。而對於何耀邦，佢哋一直都話唔識呢個人，仲話聽都未聽過。
「行！」葉巧娜指著前方，對停下來等她們的我命令道。
「……」
嘉莉望了望我，然後一條手臂直接勾過來，把我的手臂緊緊貼著她的胸部。很明顯她本人並沒有察覺到，笑著對我說「一齊行！」我半推半就之下被她牽著走，而其他人就好像見怪不怪似的，慢慢地跟在後方。
「其實我哋去邊呀？日日都係噉行，好似冇一個目的地噉。」芷晴有點不耐煩地問我。
「唔知，我唔知喺邊可以搵到Mayu。我都講過，妳哋可以自己行，去妳哋想去嘅地方。」
芷晴擋在我和嘉莉的面前，雙手抱胸瞪著我「你而家係咪好唔滿意我哋跟住你吖？」
「……」
「好喇，都唔怪得佢唔知去邊㗎，佢都話搵過之前一齊去過嘅地方，邊度都搵唔到。」李若冰從後抱著芷晴，而芷晴亦被這個溫馨的舉動溶化了她的強硬態度，點了點頭以是回應。
「行咗一日，旺角，有喪屍！」葉巧娜指著前方不遠處的煎釀三寶小食店，店面已經破爛不堪，很難想像在大半年前，我才和Mayu一起吃過，她還說味道很好，在日本未曾吃過這種的味道。
一隻穿著破爛員工制服的卷髮喪屍大嬸，正拍打著隔壁飲料店的櫃台，彷彿在叫店員快點前來下單似的。
嘉莉見狀，突然鬆開抱著我的手，大力踏出一步，單著一隻眼彈響手指，擺出射擊手勢，以食指瞄準喪屍大嬸，「咻！」喪屍大嬸就這樣無聲無息地倒下了。
呢個能力我已經睇過幾次，唔理睇幾多次都好，我都覺得好正！如果我都可以好似佢噉，伸隻手指出嚟就可以攪掂啲喪屍，我諗同何耀邦打嗰次嘅贏面都會高啲，Mayu亦都唔洗跟佢走。
「嘉莉，妳噉樣其實可以射幾多次？妳會唔會失血過多暈低㗎？」我擔心問道。
「我如果暈咗，你要抱住我行。」嘉莉笑著回應，但她沒有實際回答我所問的問題。
走在後面的樂貝兒突然快步向前走，停在一座小型商場前，她左顧右盼地向裡面查探，不知在找什麼。
「妳又搵咩呀？」芷晴停在她身旁，跟著探頭往裡面看。
「以前有耳環鋪㗎，我想幫紅熊戴耳環。」
佢手上隻熊就真係以物命名，我一直懷疑係用血染上去嘅。但係佢就死都唔認，我明明睇到有一忽係白白地。
「我驚有喪屍，我聽到裡面好似有聲。」樂貝兒看向我再次開口「我要入去睇嘢，你保護我！快啲呀！」
我無奈地搖了搖頭，這個大小姐真的不知道哪來的傲氣。反正我沒有目的地，有時候順著她們也不算得上是個壞注意，畢竟我之前的生活就只是吃、睡、找Mayu和殺喪屍，有她們在身邊，多少也令我尋回一點「人氣。」
就係噉，我帶住呢幾個女仔一路嚟到呢個乜都冇，但係又熟悉嘅地方。
至於點解會遇到佢哋就真係一匹布咁長……