友愛的決擇: 第一章：你，侵佔了我的生活

近排忙住趕份project，搞到個人都冇乜朝氣，就好似個活死人一樣，我阿爸阿媽都知我辛苦

，所以佢喺我做完之後果個weekend佢哋帶我去食buffet，因為佢哋知我一見到有咁多甜品食

嘅時候，我就會開心番。到咗果日，我用咗55%嘅胃嚟食正餐，淨低嘅當然係食甜品喇！

我食得好滋味...佢哋望住我食都笑得好開心

佢哋已經食飽，所以喺度傾偈



媽：『係喎，上次我同你講我想幫我個friend嘅事你諗成點呀？』

爸：『我無問題~你話事啦，反正客房都空置咗喺度，而且又有租金收，多個人都係多雙筷

啫，佢個仔咁乖，一齊相處應該冇問題嘅』

我：『咩事呀？』

媽：『啊！無～你仲記得auntie Lorrie 嗎？佢同uncle Ben 會去上海開公司，佢哋會去半年多啲啦！為咗慳番啲錢喺上海買間屋作投資用同埋暫住，佢哋會賣咗香港果間屋，不過佢哋個仔啱啱同你一樣先喺大學year one讀緊書，所以賣咗間屋之後佢個仔就無地方住，所以我咪同佢哋講話我果度有間客房囉』



我：『佢哋啲親戚冇地方住咩？』

媽：『你估啲人會好似我哋咁有間房多咗出嚟咩！有都攞嚟擺雜物啦！如果阿婆唔係有時嚟我哋度訓，我哋根本唔需要整個客房！』

我：『咁你會租幾多錢俾佢？』

媽：『細路女唔好理，總之係友情價！』 

食完嘢，我哋去咗商場行，我哋去咗一間家品店，媽咪話要買床單，毛巾比果個男仔，佢好 enjoy揀款式嘅過程，老豆話媽咪之前已經好恨生仔，



如今人哋個仔住我哋屋企，所以佢好開 心。之後，佢仲買咗件藍色嘅睡衣比佢 

我心諗：睇嚟媽咪已經當咗人哋個仔係佢自己個仔....  

一個月後.... 

果日朝頭早，我媽咪超開心，佢喺間客房鋪完將新床單之後就好齊整擺咗1set新嘅毛巾同新嘅睡衣喺張床，

佢又覺得間客房好乏味，所以喺廳揀咗1盆細嘅植物放喺客房嘅書枱。全程 佢有佢忙，我有我專心睇電視。

明明講好咗下晝2點佢哋先嚟，媽咪12：30 就已經問佢地出 發未，果刻我真係想話佢使唔使恨仔恨成咁呀！

叮噹～ 

我媽咪即刻走去開門... 



媽：『Hello！你哋嚟啦！咦！你個仔帶咁少嘢咋？嚟吖，入黎坐呀』

 Auntie Lorrie：『Hello！haha真係唔好意思呀！要麻煩你哋添！』

 媽：『唔麻煩，唔麻煩...』 

我出咗廳同Auntie Lorrie ＆ Uncle Ben 打招呼，我望住果個男仔都唔知應該俾咩表情佢，而且我又唔識佢，我尷尷尬尬好細聲同佢say 咗個Hi就算。

我媽咪同佢哋傾咗一陣，Auntie  Lorrie 話佢哋有嘢要做要走...  

Auntie Lorrie：『謙謙，喺人哋屋企住要乖啲呀，知唔知呀！我哋走啦！唔好蝦女仔呀！』 

我見到”謙謙”個樣好無奈咁同佢哋講再見 



媽：『haha你哋放心交個仔畀我啦！你個仔咁乖點會蝦我個女吖！過到去得閒就call我啦！』 

佢哋走咗之後，媽咪已經急不及待帶”謙謙”去佢新嘅房，我就企喺門口睇住佢哋 

媽：『係喎，你哋2個第一次見面，你哋自我介紹下啦，日後大家一齊住就係一家人架啦！』 

我同”謙謙”都笑笑口咁，我哋對望咗幾秒，情況有啲尷尬 

『啊...我叫阿慧』 

『um…你叫我阿謙得啦』佢尷尷尬尬笑住黎講

我間房就喺佢對面，我好客氣咁同佢講如果有咩事就搵我啦，因為平時我媽咪daddy都要返工 ，夜晚先返,之後我就番房上網。 

我同佢係唔同學校，但係返學時間都一樣，好多時都一齊出門口，但係始終頭果幾日大家都 唔熟，我哋都會分開行，或者前後腳，



唔知點解就好似有意無意避開大家咁，不過都係自然反應嚟嘅

基本上，我同佢都係夜訓嘅人，特別係放假嘅時候。 

有日夜晚嘅凌晨，我上上下網好肚餓，諗住出去煮個麵食，我見到原來佢都仲未訓，間房仲 有光，我無理...冇幾耐，佢又出咗嚟 

『咦，你又肚餓呀？』 

『哦，係呀』佢笑笑口咁 

『我煮埋你果份吖』 

『好呀，唔該晒！陣間我洗碗啦！』 



『當然啦！』我又笑笑口咁講 

通常我都係拎番房食，到第二日先拎返出黎洗，不過阿謙喺度，禮貌上都要一齊食嘅 

『嗯....好好食』佢食得好滋味

 『haha，公仔麵咋喎』 

『無～禮貌上講句姐...』佢對住我笑 

『大家住埋一齊唔洗咁生外嘅，依啲禮貌唔駛啦！』 

『咁你電話幾多號？你Facebook叫咩名？』佢一路食一路問 

『嘩！乜你咁進取嘅？我有男朋友㗎啦！』 

『你諗咩呀？大家住埋一齊要有雙方嘅電話好正常掛，何況add大家嘅Facebook是常識吧！』 

『haha，你都唔好咁認真啦！講下笑姐！陣間比你，係呢，你有冇女朋友架？』 

『無呀！』 

『你個樣都唔差吖，點會冇呀？咁肯定你實有女仔埋你身啦，係咪？』 

『haha，乜你咁八卦架！』佢怕怕醜醜咁 

『好啦，唔迫你啦，幫我洗埋啦hehe，Good night！』 

『好啦！Good night！』 

返到房，我喺張字條寫著我嘅電話同埋我嘅Facebook名，我見佢洗緊嘢，就貼張memo紙

喺佢個門到。