紙言

友愛的決擇: 第二章：了解



第二日係星期日，難得我男朋友阿俊約我去睇戲，我當然赴約啦！佢好少會約我出街，佢鍾意打機，終於約朋友飲嘢，

就係好少會陪我。人哋重色輕友，佢就係重友輕色！不過，佢晚晚都有陪我講電話，咁我就算啦。

我同阿俊睇完戲，我哋去咗行海邊長廊，我同佢講我阿媽朋友個仔搬咗我屋企住，會住一段時間。

『係？咁個男仔點呀？靚唔靚仔架？』

『佢ok架！不過佢話冇女朋友，我都好懷疑』



『益咗你啦，同個靚仔住，得閒撩下佢啦』

『喂！你當我係咩呀？不過...你成日唔理我...我唔排除會咁做架！haha』

『好啊！咁我可以搵第二個lu～』佢講得好滑稽

我即刻打咗佢一下

『算吧啦你！依個世界得我hou你炸，你唔要我，無人要你架啦！』



『唉...依層又係真嘅...』佢個樣好似好失落咁，都唔知係真定係扮出嚟！

『喂！你唉乜嘢呀！你好想揾第2個咩？』

『haha，我愛你呀BB！』

『算你啦！』我即刻由心笑咗出嚟

我同佢一齊嘅時間係最開心，不過佢掛住陪friend或者唔知做啲咩，唔搵我嘅時候，我就會好唔開心，又會亂諗嘢，



就好似佢曾經試過連續4日都無搵我咁，不過都算啦，佢一搵番我，我就無番事，要怪就怪成日自己亂諗嘢，

自己唔開心都係自己攞嚟嘅


連放咗3日假，又要開始早起身返學，果日出門口又係咁啱見到阿謙，終於我哋冇再分開行

，我哋好自然咁企埋一齊等lift；平排一齊行去火車站，睇嚟應該係上次我主動煮麵比佢食消

除咗我同佢之間嘅陌生感。

『係呢，你讀咩架？』佢打開咗個話題，望住我

『我讀藝術架』我好友善咁回答佢



『你呢？』

『我讀multimedia架！』

『係你嘅興趣？』

『嗯，唔怕話比你知呀，平時我都有拍片放上youtube架，雖然唔多人subscribe我，但係隨住人數越嚟越多，就增加我嘅動力去拍更好質素嘅片，從事幕後製作係我嘅夢想』

『估唔到喎，平時見你咁怕醜，咁你嘅youtube channel叫咩名呀，等我subscribe 你吖！』

『him jai』

我哋一路傾計，直到去到九龍塘就分開....

數學堂係我最唔鍾意上嘅科，如果唔係GE堂我一定唔會take，我最驚就係math homework，



總有我唔識計嘅題目，最慘係連fd都唔識，無得可以好似以前咁抄同學，最終每次功課都總係會無做2－3題，

不過，人！總係有希望！自從阿謙入咗嚟我屋企住，佢就係我救星，話晒佢數學DSE攞5。

返到屋企3點鐘，我即刻嘆喺張床上，我隨即攞起擺喺床頭嘅BL漫畫書，睇到好入神。冇幾耐，我聽到開門聲，

我諗應該係阿謙返到嚟....睇咗2粒鐘，我先醒起聽日要交數學功課，我拿拿林彈起身從我嘅靚靚書包攞出一份皺蚊蚊嘅紙，

喺冇乜心情做嘅情況下，腦閉塞，hea做咗3題已經唔識做之後嘅2題。我，諗起阿謙....即刻喺心入面大叫

『終於有救啦！』

始終係我第一次問佢功課，唔知點解有少少驚嘅感覺，我行到去佢間房門口，控隻耳仔落度門到，



聽下有無聲....係冇嘅。但係我仲係唔敢敲門，唔敢叫佢個名，又怕阻住佢做嘢，最後我唯有寫咗張紙條

『唔好意思，我唔識做之後果條數，可以幫我嗎？』

我慢慢將張紙條連埋功課攝入門口罅，幾秒後，我見到佢攞起咗，我坐係門口等回覆，4分鐘後我見到佢攝返份嘢出嚟

我心諗：嘩！好勁！

但佢只係幫我做咗一題，咁我唯有寫過第二張紙條

『唔該晒！但係最後果題我都唔識呀，幫埋我吖』

之後又攝比佢我以一個期待嘅心情跪起地下望住條門罅等份嘢出

突然間，佢開咗門....



我望住佢，嚇到嘩咗一聲，隨即pat pat跌咗落地

『haha 你無事呀嘛？』佢伸隻手出嚟扶起我

『haha我冇事』果刻我勁尷尬

『唔識做未入嚟搵我囉，唔駛怕喎，橫掂我冇嘢做』

『我...ha下次我會架啦！』

我入到佢間房，坐咗佢張凳度，佢就坐喺床頭喺我隔離好俾心機咁教我，解釋俾我聽

嘩，果刻就好似有個阿哥教我做功課咁，好有親切感！可能我本身就渴望想要個阿哥喇！

『呀～』我伸一伸懶腰，打咗個呵欠

『你依家明唔明呀？』

『嗯，明啦，唔該晒！你真係勁！』

『都係啲中學嘅數啫，你肯定上堂無聽書啦haha』

『車！懶醒！不過我認！hehe 好喇，唔該晒！』

好彩有阿謙啫！返到房，我繼續睇我嘅BL

電話響起...

“喂，BB？”

“乜你終於搵我啦咩？”

“又做咩呀？”

“你成日都係咁！call你又唔聽，又唔call返我”

“咁冇嘢咪無搵你囉！”佢嘅語氣顯得好唔耐煩咁

“........”

“又唔出聲”

“你想我講咩啫？”我講到好震，因為我開始一路講一路滴眼淚

“我諗住同你傾計，你而家又咁，好似我錯，你都係冷靜下啦，聽日再搵你，byebye！”

“.......”

好快佢就已經收咗線

我同阿俊好多時都會出現依個情況，我唔知道究竟係我問題定係大家都有問題，總之佢就係

一個好易發脾氣嘅人，而我就係一個成日好多疑嘅人。通常佢肯定無事，但我總會喺佢cut完

我線之後自己一個人唔出聲咁喊

鐘點姨姨：『食得飯啦！』

我即刻抹走啲眼淚，5分鐘之後再出去，由於我無心情睇電視，所以我快快趣食完返入房

whatsapp:

阿謙：
你冇事嗎？頭先食飯見你隻眼紅晒，你唔開心？

－－－－－－－－－－－－－－我冇事

阿謙：
請你食 :)

我見到門口底下有粒波捧糖
－－－－－－－－－－－－－－多謝 :)

突然間我覺得好窩心，佢比我嘅哥哥感覺又嚟，好快我就無事，之後出咗廳睇電視

基本上，睇完TBB啲劇集，笑笑下，我直情當無事發生過。