第三十話
2024年7月7日 1900時
作戰部隊得勝回到圍城,圍城內嘅人都歡呼慶祝,但劉軒宇獨自夜巡城牆,他手持著與狄青龍與花錦榮嘅合照時回想起當年一起共事嘅時光。當年狄青龍曾向劉軒宇說道“師父,正所謂一日為師終身為父,以後無論咩事,我都一定撐你”,劉軒宇內疚自己未能好好保護佢依名徒弟此刻劉軒宇再度落淚。
而花錦榮手持住狄青龍遺下嘅頸鏈遞交俾李若童,當李若童收到頸鏈後便痛哭流涕,“對唔住,係我救唔到阿龍,係我保護唔到佢,你要怪就怪我啦”花錦榮痛哭說道。
“唔係你地問題,其實阿龍都話佢依身人最尊敬嘅係佢師父,最好嘅朋友就係你,佢話只要跟住你地2個去邊都唔緊要,最緊要大家互相扶持,佢就算死都會保護你地2個”李若童哭著說。
花錦榮此刻傷心欲絕,並內心發誓一定要搵寗嘉安報仇。
2024年7月8日 0800時
係狄青龍帶領下,圍城所有人正為科學園戰鬥犧牲嘅人員進行安葬,當狄青龍棺木出現時,全場所有人均肅立,之後劉軒宇及花錦榮親手埋葬好棺木。
“當我地俾喪屍及瑞安夾擊時,阿龍為咗救我地,佢最終犧牲咗,但佢犧牲前都去引爆咗自己身上嘅炸彈嚟消滅喪屍,為我地爭取反擊敵人嘅時間,佢永遠都係我地圍城嘅英雄,我地永遠都會記住阿龍,狄青龍~”劉軒宇高叫著。
“狄青龍威武~狄青龍威武~狄青龍威武~”陌刀隊肅立,並以陌刀拍打長盾高喊著,以向狄青龍作最後致敬。




花錦榮摸著狄青龍墓碑說道“死人,你今次最威啦,做咗英雄啦”,之後花錦榮流下淚來。
2024年7月7日 1000時
寗嘉安原來當時係科學園之戰中係其他黑警協助下趁混亂逃走咗出嚟,並到上水石湖墟投靠洪勝基地。
“肥仔高,你帶寗sir嚟做咩?”1名老者問道。
“鐵頭,我同我啲伙計嚟投靠你,絕對係百利以無一害,你要知道元朗有劉軒宇係到周圍救人,你地依個基地一定會係佢地嘅目的,所以有我地加入,你地先會有機會有力同劉軒宇一戰”寗嘉安自信說道。
“阿公,寗sir無講錯,劉軒宇嘅人真係好厲害架,單靠我地嘅力量未必夠打呀”肥仔高緊張地向鐵頭說道。
鐵頭想了想便答道“寗sir,你投靠我地都得,但你嘅人要去我地哨站駐守,至於糧食武器我地會向你地提供,你有無問題”
“好”寗嘉安答應便帶佢嘅下屬前往哨站。
“寗sir,我地真係就咁幫班仆街守住個哨站?”1名黑警問道。
“守?我守佢老母,只要一有機會,我地就偷襲佢地同埋拎咗依個基地嘅控制權,之後發展戰力同劉軒宇死過。”寗嘉安奸笑著。