圍城 上冊 “香港篇”: 第三十一話

第三十一話
2024年7月8日 1100時
湖北武漢瑞安研究基地
“李教授，病毒係香港，美國及意大利因排氣問題洩漏至今，全球喪屍爆發，美國總部趁全球政府癱瘓決定提早實行統一計劃，首先於中國及美國進行”1名研究員向Gordon Lee進行匯報。
“咁我地趁解放軍未可以即時集結時先控制上海，廣州同湖北地區作為戰略基地，之後盡快控制整個華南地區”Gordon Lee說著。
Gordon Lee 落命令後，身邊2名身穿迷彩制服外藉男子便開始用通訊器材下達指令。
此時Gordon Lee看著研究所內幾個大型容器內嘅人體物體並心道“劉軒宇，你會唔會係我嘅最大阻礙？如果係，你就會係我統一中國嘅最大麻煩。”
同日 1100時嘅圍城
劉軒宇正係會議室開會，“我想兵分3路，1路負責搜索生還者到圍城居住，另1路搜索物資，特別係機場金庫，最後1路就係攻打之前係上水搵到洪勝嘅基地”劉軒宇說道。
“領主，攻打上水洪勝並非容易，根據之前嘅情報，洪勝除咗佔據石湖墟外，仲佔據咗上水屠房，另外洪勝更加係上水2個主要迴旋處設置哨站，所以基本上我地嘅車隊只要進入上水附近，佢地都會知道。”孫敬農分析道。




劉軒宇細看地圖，確實難以輕鬆進入上水範圍，故此問到“咁我地要硬攻？”
“領主，我有一計，我地先派遊擊隊係高速公路上引發屍潮衝去近彩園邨迴旋處，之後主力從粉錦公路繞道偷襲迴旋處哨站，咁敵方之後就會自然集中兵力係石湖墟，與此同時我地唔打石湖墟，去打上水屠房殺敵方一個措手不及”賈充於地圖上指出路俓說道。
“點解要打上水屠房，而唔係打石湖墟呢？”楊興起問道。
孫敬農笑道“賈充此計就精髓就係打上水屠房，你地唔覺得奇怪洪勝點解要佔據上水屠房嗎？明顯係上水屠房就係洪勝嘅物資儲存庫，洪勝一向實行高壓管治，所以佢地怕有人會叛變，導致物資被盜，故此佢地將上水屠房設置成物資儲存庫，只要我地攻佔屠房，洪勝必亂”
“依個計策非常好，各人員按計劃行事3日後出發。”劉軒宇說道。