萬年議題，隨心寫: 別再用「政治濾鏡」美化殘酷的過去：拆解「以前讀書好幸福」的偽命題

唔係話而家教育制度冇問題，更唔係話而家做學生冇壓力、絕對幸福。但事實好明顯係：就制度設計、資源投入、升學出路同學生權益而言，而家嘅香港學生絕對唔係史上最慘的一代，反而係制度最少硬性淘汰、支援同資源最多嘅一代。

壓力嘅性質已發生咗根本嘅轉變：

昔日嘅壓力： 來自制度性嘅淘汰、經濟上嘅匱乏、權威下嘅噤聲、以及失敗後無路可退嘅「硬壓力」。

而家嘅壓力： 更多係來自社交媒體嘅比較、社會期望下嘅「軟壓力」。

但某些人總係選擇性時運高，一味捉著「小學以前半日制、而家全日制，課時長咗」去無限重覆同誇大，又或將幾十年來一直存在嘅壓力同問題，歪曲講成以前冇，而家至有。吹到而家係史上最痛苦最大壓力嘅一代，不僅係對歷史嘅無知、對事實嘅歪曲，更係對上一代人所承受嘅結構性苦難嘅一種輕蔑。





「批評現在」可以，也應該；但「洗白過去＋抹黑現在」係對上一代真正捱過的苦難，一種極唔尊重的輕佻。

－－－－－－－－－－－－－－－－－－－－－－－－－－

1. 政治濾鏡下的雙重標準

「一代比一代痛苦」、「而家細路慘過以前好多」——這類論調在網上屢見不鮮。但細心分析，你會發現這些講法往往不是基於歷史與數據，而是將對現今政權、社會的不滿，投射在教育議題上，順便美化了一個其實相當粗暴、殘酷的過去。

這種矛盾心態，最常見於這種精神分裂的邏輯，兩種極端反應：





這些人會批評現在教育制度高壓：「而家讀書好慘好辛苦好大壓力，簡直係人間地獄！以前讀書就輕鬆幸福得多」。

當現在有減壓措施（如減少默書）時： 這些人又會大罵：「有困難，唔係去克服，而係去攪低個水準去遷就去逃避？有冇攪錯」、「攪到D細路唔識字」、「一定係為遷就大陸人、遲早變埋用簡體字」、「以前多功課多默書多測考至係最好，咁至紮實學到嘢」。

這背後其實是一套簡單粗暴的「政治濾鏡」公式：凡係 97 前： 自動套用「美好」、「高質」、「英式優雅」、「快樂童年」濾鏡。
凡係 97 後： 自動套用「地獄」、「混亂」、「低質支那化」、「洗腦」濾鏡。

－－－－－－－－－－－－－－－－－－－－－－－－－－

2. 「全日制」的原罪與被遺忘的焦慮





小學全日制之所以成為眾矢之的，最大的「錯」就在於它剛好在 97 後全面推行。於是它成了完美的出氣袋，被人用來「證明」「今不如昔」：「以前半日制幾幸福幾多時間玩，而家全日制簡直人間地獄！」

這些人選擇性失憶，忘記了以前半日制（特別是下午校）那種極度畸形的生活：早上起床就要溫默書、可能還有趕未完成的功課、去補習社，經常帶著「等陣要默書」的焦慮心情吃午飯；傍晚放學天都黑了，回家吃完飯又要做功課(聽到歡樂今宵主題曲前做得晒要還神)，明天早上又「輪迴」。

還有長週時星期五晚的「追更」、星期六上午，不習慣的早起，如此犧牲了一半的 Happy Friday 和週末。他們硬要將這種畸型生活，吹奏成「半日返學、半日玩樂、無憂無慮、快樂童年」，這完全是篡改歷史。

－－－－－－－－－－－－－－－－－－－－－－－－－－

3. 心理防衛機制：拒絕承認進步

當這些人看到現在的小學生去馬爾代夫、歐洲、甚至南北極遊學團，他們的第一反應，不是讚嘆現今的幸福和資源豐富，而是譏諷：「肯定係洗腦團」、「虛有其表」、「唔好被呢D名目誤導，平時返學全日制咁長時間唔講？以前半日制至係最開心」、「以前郊野公園秋季大旅行，至係最開心同難忘嘅純真情懷；而家海外遊學團，只係銅臭堆成嘅爭相曬命物質比拼。」(唔知佢講完有冇忍唔著笑)。

為什麼？因為承認現在的小朋友在物質和機會上比以前豐盛，就等於承認港英年代的基層童年，其實「很慘」、「很匱乏」。





為了保護自己的政治信仰和回憶，他們必須堅持這種精神分裂的邏輯：一方面批評現在教育制度高壓，如同人間地獄，以前就輕鬆幸福，這是今不如昔；

另一方面當現在有進步有減壓措施時，又批評這是逃避、使到水準低落，甚至無理地妖魔化，又是今不如昔。

－－－－－－－－－－－－－－－－－－－－－－－－－－

結論：面對現實，停止洗白

問題的重點不是否認現在的學生有壓力（當然有，而且很大），而是有些人拒絕承認：以前那種「一星期兩默書」、「藤條炆豬肉」、「由學能測驗到中三淘汰到中五會考到中七 A-Level」、「獎學金稀有且門檻高不可攀」的壓力，是真．殘酷。而現在很多措施（減少默書、減少升學淘汰關卡、體罰零容忍、多元評估、遊學團、獎學金普遍且門檻大大調低），客觀上已經大大減低了這種原始的殘酷。

你可以不滿意現在的政府、討厭現在的政制，這完全沒問題。但請不要為了發洩政治情緒，就將現代教育的所有改善都妖魔化；更不要將舊時代那種資源匱乏、篩選殘酷的教育制度，洗白成回不去的「黃金歲月」。