年輕人愛還愛，唔好盲目去愛！（真人真事）: 第二章 * 其實我不愛你

可能我感覺比較遲鈍，好遲先知佢中意我。
不過，我唔中意佢，都唔中意個哥哥，我中意左一個運動健將...（佢叫宅男）
因為我參加左兩個校隊，所以認識左宅男，亦愛上左佢。
無幾耐，我地就拍拖。

我細個唔識諗，有咩唔開心就會界手。有日練水，黑仔見到我手同大腿上既界刀傷痕，佢又話要界埋一份之餘，佢仲話：以後你界一條，我界十條！！

女仔聽到依類說話一定冧死嫁，但我就衰到真係去試下佢係咪真係會咁做...哈哈

佢自從知道我住邊，就成日係我屋企樓下捕我返學。有次我專登貼膠布落樓下等車返學，又真係俾佢見到喎！佢sms我話佢心痛，佢又界，個下其實都幾過癮～



由於另一個校隊為左比賽加緊練習，所以我都冇再去游水。

黑仔媽發現左佢界手，就係個年暑假，黑仔媽就送左佢返大陸學藝。

老實講佢冧女係有一手既，所以個次他媽打俾我，話我知依個消息，我都喊得好悽涼。我怪佢做咩不辭而別！原來後來佢話係他媽收左佢電話，佢求左他媽好耐，他媽先願意打俾我。

之後個次見到佢已經係一年多後既事，因為佢太耐冇見過我，佢約左我放學係校門口等，我答應左。
係機會啦！！！
我要狠狠地傷佢一獲勁既！！



我約埋宅男一齊行出學校門口！一出門口我就撓住宅男手臂，大搖大擺咁行出去，感覺好爽！
完全同我諗既一樣，佢傷得好深。
佢過左一排就返反大陸，我都慢慢忘記左依個人

估唔到中五放假既時候......

《待續》