年輕人愛還愛，唔好盲目去愛！（真人真事）: 第三章 * 再見

中五個年會考完，大家都開始放假。
應該依家有好多中六既同學仔都會諗自己既將來...
我既將來應該同一部分中學生一樣...俾屋企人操控...
屋企人話我日日冇所事事，不如去考拯溺。
我諗諗下，都啱既...反正游水都係自己既強項，考到又可以做兼職，當然全職既人工更加唔錯！！
所以我就參加左晚間訓練班，咁朝早就可以做到自己想做既野。

訓練雖然辛苦，但係訓練班識到好多好好既哥哥姐姐，亦都有健康既身體作為鼓勵。
好快就已經去到最後一堂考試，考試都唔係太難，根本上都應付到。
只係有一樣肥左...就係拋繩...


唉...係拋繩到肥左真係冇野好講...

走既時候啲哥哥安慰我，話我細細粒都算係咁嫁啦...
就係我對自己好失望既時候，我手提電話響起
熟悉而又久違既電話號碼，究竟係邊個？
感覺叫我唔好聽，但好奇心比感覺強烈得多
我：喂......
對方：喂......
我個心突然跳得好快，我好肯定我唔係中意佢，不過係點解...
對方：記唔記得我呀...？


我：你係...黑仔？
對方：係呀
傾下傾下...佢話不如出去坐低傾下計，我答應左
我地約左係地鐵站等......
對方：一陣見
我：嗯...bye bye

其實唔想應酬，游完水已經好攰，但又想睇下佢依家點
最後我硬住頭皮行去地鐵站...
等佢既出現...