《星空之願》(前稱:3A班死亡遊戲): 後記、

老實講，寫呢個故事雖然係講生存遊戲，但打鬥推理從來都唔係我最關心嘅重點。

成個故事寫到尾，我心入面都喺最想提及一個人——曦嵐。

佢係嗰種你可能會喺班房角落見過、喺學校走廊擦身而過，但冇幾多人真正停低嚟了解嘅人。唔係佢唔想同人傾計，而係好多人只因為佢嘅樣、佢嘅語氣、佢行路嘅方式、佢嘅性別氣質，就已經對佢偏見。

成長可以好殘酷，特別係當你好唔一樣、又唔識反抗，又或者你根本唔想改變自己，你淨係想做返你自己。

如果你身處呢啲類似處境，我想同你講：你冇錯。你值得被尊重、被愛。你嘅柔軟，你嘅敏感，你嘅不一樣，其實都係你好珍貴、好靚嘅一部分。





請你記住：你已經好努力，唔需要變成第二個人，都唔需要迎合咩標準。就算你依家仲行緊一段好辛苦嘅路，我都希望你知，有人——包括寫緊呢篇嘢嘅我——會為你默默祝福。

你已經行咗好遠，已經好叻。未來會唔會更好？坦白講，我唔知，但我希望你會一直走落去，因為你係值得被世界溫柔對待嘅人。

多謝你睇完呢個故事。願你喺你自己嘅人生道路上，都搵到屬於你嘅光。

—— 作者