好快,就到咗星期六。同佢 ig 啲相一樣,佢嗰日都係著住成身地雷系出黎。佢著住件紫色水手服,心口綁住個好大嘅黑色蝴蝶結,下身著咗條黑色短裙,再加對漁網絲襪同埋黑色厚底鞋。 

wltf… 佢條裙短到要走光咁,彷彿大風少少就可以見到佢條底褲。沿住短裙視線向下掃,佢對腳有線條得黎又唔會係筷子腳咁,仲要勁白滑,加埋對漁網絲襪,淫到仆街。對於一個一個淨係打過飛機嘅青頭黎講,隔咁遠睇都已經扯到恆晒。 

「望咩啊,行快啲啦就黎開場啦!」佢離遠已經望到我,用一把興奮之餘略顯調皮嘅聲音打斷咗我對佢對腳嘅意淫。我即刻加快腳步,用三隻腳行向佢度。

「冇嘢啊。你... 今日好靚咋嘛。」
「哼!淨係今日靚咩?」

 我呆咗。shit 我咁樣讚佢係咪好 red flag?佢會唔會覺得我係 kam L?佢會唔會... 



突然,佢輕輕咁拍咗我個頭一下。「玩你咋傻仔,咁都信!」 

電影好快就開場。佢喺隔離,我根本專心唔到。我成個腦都喺度回味緊佢開場前同我講嘅一字一句。「傻仔」?佢同我有 skinship?佢係咪都對我有 feel?佢係咪 flirt 緊我?極度亢奮嘅情況下,本來 90 度坐直,眼望銀幕嘅我偷偷地望咗佢一眼。 

我望住佢。
佢望住我。 
跟住我又望住佢。 

嗰一刻我成個腦 hang 晒機,心諗咁樣沈船眼望住佢同直接表白有咩分別?我望住佢,個口不禁微微張開,成個「唔撚係掛」嗰隻樹熊咁。 



咦?點解個口甜甜地嘅?爆... 爆谷味?佢,係咪餵我食爆谷啊?佢見我冇反應,笑咗一笑,再餵多我食一粒爆谷。我今次終於醒水,吞咗之後再喺桶度攞返一粒餵俾佢。 

就係咁,呢次係我人生唯一一次食晒成桶爆谷。回想返,其實嗰日睇咗咩戲,套戲講咩,我已經唔記得咗。我淨係記得,嗰桶爆谷係我成世人吃過最好食嘅一桶爆谷。 
已有 0 人追稿