壓抑: 4 太久沒回來

在同一間便利店內，有個穿著連身短裙，拖着行李箱的女子，站在越琛後面。她看著正在選擇飲料的越琛，覺得是時候逗一逗這個「悶蛋」...沒錯，這個「她」就是郭海瑤，相信也只有她會有這膽量去嚇賴越琛。

海瑤把行李放到一旁，然後慢慢地走到越琛的身後，再從後跳上她的背上，接著用雙手捂住她的雙眼，最後用自己最沉的聲線說出：「你估下我係邊個？」 ，好一個「突襲」就完成了～
-

越琛低聲道：「唔洗估啦，郭小姐」

海瑤有點驚訝地表示：「咁叻嘅，賴小姐」

那個賴老闆又上線：「我數三聲，你好落返嚟喇...1！2！3！」





海瑤在越琛數到3 的那一秒，立即從她身上跳下

海瑤裝害怕：「冷靜...落咗...」

越琛冷笑道：「乖～」

3 秒後...
幾乎同一時間：
越琛：「所以你點解喺度 」





海瑤：「你揀好飲咩未...」

越琛從雪櫃取出兩罐有酒精的汽水
越琛望向海瑤：「答我問題」

海瑤笑道：「見到一個傻婆喺度猶豫咗好耐都未落到手咪入嚟嚇下佢囉」

越琛反了個白眼：「哦，你今個月冇糧出喇」





「我唔會驚你囉，我有積蓄吖聰明」

「咁你請飲嘢啦，有錢人」

海瑤接過越琛手中的飲料，到收銀台結帳

海瑤扮了個鬼臉：「唔洗客氣」
越琛看著這個傻瓜，開玩笑道：「冇諗過客氣，你唔好以為我唔知我哋個時裝品牌賺幾多先得架...盤數我都有份睇架小姐」

「哈，但係8：2 分莊，你少錢過我好多😜」

她們從便利店走出來，靜靜地享受着這個動人的晚霞。但不到兩分鐘，郭海瑤便忍不住要打破在鬧市的寧靜：

海瑤感嘆道：「你好耐未笑得咁開心，好難得」





越琛用側眼望一望旁邊的破壞王：「如果你冇出聲我應該會再開心啲」

「欸... 講呢啲🙄」

「講笑啫」

她們把飲料喝完之後便開始起程前往海瑤外婆家。

海瑤邊行邊想起小時候每次沮喪時都會到海旁拋小石，就像要把所以煩惱都拋下。小時候的她也是在日落時分從海旁步行回外婆家。那種似曾相識的風景不禁令她感嘆：時間往往過得比想像中快...