壓抑: 13 追女孩- 情信（II)

第四封信的內容：

LYS ：

今日係Day 4

Unblock我啦好冇

如果你準備成世唔理我，咁你就唔好unblock 。雖然我唔姓賴，但必要時我都可以好無賴。





是日情話：「為妳鍾情 傾我至誠 請妳珍藏 這份情 然後百年 終妳一生 用那真心痴愛來 做證 」

我記得你好鍾意呢首歌

只要你講一聲I do , 我願意一世讓你高興

我諗呢一世我只會鍾情於你

聽日係最後一封。





浩

越琛看著為妳鍾情的歌詞，眼前出現以前與浩南共用耳機的畫面。那時的她很想跟他一生一世。

她深呼吸了一下，開了最後一封信。

第五封信的內容：

LYS :
今日係Day5





亦都係我寫嘅最後一封 ‘情信’

本身追女仔係應該瘋狂送花，但係我記得你對花粉敏感就打消咗呢個念頭。

其實我都唔知點解會對你咁長情，可能你魅力太大？話說原來我鍾意咗你成15 年，我都覺有啲痴線，甚至有時覺得自己有啲賤。不過我諗愛情根本就冇邏輯？

我唔係追5日就唔追，係聽日開始我會用行動證明我對你嘅愛。可能你會覺得煩但係我已經諗唔到其他辦法，所以只能用啲老套方法。

雖然我唔知幾年前我做錯啲乜而令到你突然人間蒸發，然後分手，但請你比多次機會我，比多次機會你自己。我知道你仲係單身所以唔好諗住借人過橋。

曾經嘅我有幾鍾意你，依家嘅我就有幾愛你

聽日見





浩


越琛凝視着最後那句「聽日見」，心想：程浩南你要怎樣才捨得放棄？

另一邊，程浩南剛從實驗室做完測試出來，拿出震了很多次的手機，來電顯示：可（怕）的阿妹

浩南接起電話：「 喂？咩事，返工唔好成日打電話」

電話另一邊的可南：「你要追人就自己追。我今日放信嘅時候比老細捉到，驚架大佬」

「哦，唔使擔心，你今日比嗰封係最後一封」

「huh ? 你唔追啦？」





「追，但唔靠你」

「妖，話晒我都幫咗你一個禮拜，請我食飯好應該啦，你話係咪」

嘟——

「程浩南你個孤寒鬼」