壓抑: 14 追女孩- 食物的引誘

星期六

太陽還沒爬出來的時候，浩南便起牀，走到廚房開始煮早餐

他熟練地從廚櫃裏拿出鑊鏟，再走到雪櫃取出所需的食材，把食材清洗乾淨便把它切片，然後放入鑊裏炒了炒。好像不到兩分鐘，鑊裏的食物熟了，他就把煮好的食物放入便當盒。

這時，太陽也剛好升起，正照耀着廚房的浩南，仿佛告訴浩南：追越琛是有希望的。浩南靜靜地合上眼回應著那曙美好的陽光，而世界像是只屬於他倆。

過了一會浩南便到達越琛公司樓下，想著怎樣開場白，所以沒有留意交通。





「咇—」 ，只聽見身後傳來響鞍聲。浩南立刻回過神來，退回行人路，而車主也在這時降下了車窗，探出頭來，拋下一句：「趕住去送死咩」便前往停車場。

車內的郭海瑤看著副駕的賴越琛道：「你條ex 喎，我係咪鬧得好好呢」

剛被吵醒的越琛不明所以，問道：「佢得罪你咩，做乜鬧佢？」

「佢係你ex 我咪鬧囉，鬼叫同你分手咩」

「分手我提架」





「都係佢嘅錯」

「係我嘅錯」

「哈？你有嘢瞞住我」

「有咩」

「我以為因為你病咗，你哋先分手」





「唔好亂估啦，佢唔知我有病」

「唉...鬧錯人添」

「算啦，睇你個死樣都唔會道歉架啦」

「知我者莫琛也」

越琛：🙄

--

兩人從停車場上到公司。越琛一進去便把全部窗簾拉開，還不忘看下去街道的浩南。海瑤見越琛看得入神便走到她身邊笑道：「擔心佢比太陽晒親呀？落去啦，佢應該係嚟搵你」
「你又知？」





「阿老闆，你平時唔係好醒架咩？成棟樓應該得你一個會星期六返工，除咗保安」

「你又知佢唔係搵保安？」

「佢gay就話啫」

「你又知佢依家唔係gay ?」

「可南係佢個妹」

「我知，所以呢？」

「亦都係我嘅frd 」

「且...仲以為要爆啲乜大秘密咁」





「都唔係冇秘密嘅...」

「爆啲嚟聽下」

「佢呻話佢阿哥即係你條ex 叫佢幫手追你囉」

「哦，我知吖，好廢呀你啲料，做嘢啦，唔理你...」

「工作狂...」

海瑤說完便離開越琛的辦公室，想著她一定不會捨得浩南站那麼久，說不理，只是面子的問題。

果然，她猜得沒錯。海瑤走了沒多久，她便下樓，似中不想自己愛的人中暑...





在升降機裏她不斷想著怎麼辦開場白，又想著要是浩南根本就不是找自己那會多尷尬吖... 正猶豫要不要上返公司，升降機的聲音便傳來：「地下，ground floor 」

升降機的聲音重新讓越琛尋回自信。這刻的她不再猶豫地往門口走去。

在這段短短的十秒內，她終於想到怎樣開口了，就是「嗨，你喺到嘅？」。只不過，她未行到他面前，浩南便走到她身前，把便當遞到她面前道：「早晨，記得要食嘢」

越琛看著眼前的便當，回憶迅間湧入腦海裡：那時他們剛入大學的時候。那時，浩南會每天帶著不同便當到宿舍，告訴她要記得吃早餐。後來，他們在一起了。浩南索性每天跟她一起晨跑再吃早餐。