壓抑: 16 追女孩- 意外

之後的每一天浩南都會把便當送到越琛手裏。越琛也沒有刻意拒絕，因為她真的太愛他煮的每一道餸。每天，他們都會交換便當盒（越琛將前一日嗰個比浩南，浩南比有嘢食嗰個越琛） ，然後又各回各公司工作。一個月匆匆地過去，越琛也沒有解封浩南的號碼，兩人好像很有默契地在同一時間，同一地點出現。

直至有一天，浩南沒有像平常到越琛公司樓下。五分鐘之後，越琛的電話便響起。

--

可南：「喂？老闆，你喺邊呀，夠鐘出發喇喎」

越琛：「哦，夠鐘嗱...但係你阿哥可能快到喇喎」





「哈？你落去就係搵我阿哥？」

「嗯，呢個月佢送飯比我」

「你哋喺返一齊嗱？」

「唔係，但我太鍾意佢啲嘢食，我知咁有啲衰...唔係...呢個唔係重點...你幫我同佢講我唔等喇，你開架車去地面車我啦」

「哦，好，你自己同佢講啦，你解封咗佢嘅話，佢應該會好開心」





「遲啲睇下點，依家要做嘢先呀」

「係嘅老細，我落緊去停車場喇」

--
不久，越琛坐上了車，車上正播着電台的新聞

特別新聞報到：
半小時前喺大欖隧道口發生一則交通意外。一名巴士司機涉嫌醉酒駕駛，現有兩名男子重傷，十七名輕傷，全部傷者正前往博愛醫院。





依家交比現場記者鍾南希

...

越琛放下手中的文件對可南說：「無記錯嘅話你好似住元朗，西鐵嗰邊？」

開著車的可南回答：「嗯，係吖」

「你搭鐵返去啦今晚，如果唔係有排塞」

「嗯，我會架啦，放心」

越琛再次拿起文件，而可南也識趣地把電台關了。

--





不到二十分鐘，車子駛進目的地。兩人拿著手袋及所需的文件下車。

升降機門在14樓打開，兩人一前一後地出升降機，然後直接走向會議室裏

此刻的會議室已經坐了差不多十人，大家見到越琛也沒有太理會，繼續與其他人交流。越琛本來就沒想著來這裡攀關係，所以帶著可南到空著的連座坐下了。

兩個多小時的競標接近尾聲，越琛如願地拿到需要的投資。競標完結後，不少人上前恭喜越琛。此刻的她就如天上最閃耀的星星。越琛簡單答謝後就和可南離開了。

等待升降機的期間可南重新把電話開啟，才看到有數十個陌生未接來電。她把車匙拋向越琛，然後說：「老闆我要接個電話，你落去先」

「你接啦，等埋你，一齊落」

可南沒有回答，只靜靜地撥出未接來電。大概五秒，電話接通了。





對面公式化地說「你好，呢度係博愛醫院急症室，有咩幫到你」

可南聽到急症室，莫名地感到心慌～

「我係覆電話，你哋打咗幾十個電話，係咪有啲咩事？但係我記得我冇去過你哋醫院...」

「哦，方唔方便比你嘅電話我？」

「9xxx xxxx」

「好，你等等，依架check 緊紀錄」

「好，唔該」

「小姐？」





「係？」

「我哋已經查到，頭先大欖隧道口發生車禍，有一個傷者叫程浩南，打比你係因為佢嘅電話設定你為緊急聯絡人，請問你認唔認識？」

「程浩南？識，佢依家點」

「病人依家做完手術冇耐，麻醉藥未過，仍然喺深切治療部，病人醒返之後如果情況穩定就會被轉到普通病房」

「知道，麻煩佢醒返嘅時候打比我」

站在走廊的越琛雖然沒有聽到電話內容，但看到可南的表情就想到應該不是甚麼好事。沒等可南開口，她便提議：「你有急事，可以直接去，反正下晝都係去實驗室」

可南呆呆地看向越琛，眼淚不段在眼內打轉，使眼睛便得水汪汪。越琛像是察覺到一絲絲不對勁，開口問道：「係咪發生咗啲咩事？講出嚟，睇下我可唔可以幫到你？」





聽完越琛的安慰，可南像個小孩子一樣哭得更加厲害。淚水不受控制地往下留，留得如瀑布一樣快。

越琛走到可南身邊，然後把她抱入懷裡，輕撫著她的頭。被攬入懷裡的可南整塊面已經鋪滿淚水及鼻涕，她仰一仰頭，用水汪汪的眼睛看著越琛，說：「對唔住，整污糟你件衫」

「唔緊要，你有啲咩事就講比我聽，睇下我幫唔幫到你，唔好自己屈埋知唔知」

「知道，我要去醫院，遲啲補返假紙」

「醫院？你屋企人入咗院？我開車車你去」

「你...你唔係要去實驗室咩，我搭巴士過去就得」

「唔好講咁多，話比我聽邊間醫院」

「um 博愛，嗰度好塞車」

「唔緊要，你搭咩都會塞」

「咁好啦，thanks 」

車輛再次啟動，只不過這次是越琛坐在駕駛座。車裏安靜得連蚊子飛過也聽到。其實也不怪她們，一個不敢多說，一個不知說什麼好，最後就是兩個什麼也不說。

15 分鐘後，車子已經到大欖隧道收費處，越琛正付費的時候，可南的手機再次響起。

可南接過電話，試探性地說：「喂？係咪醫院？」

「係，你好，頭先打電話比你嘅時候程浩南未醒但係佢啱啱醒咗，會被轉移到普通病房，請問你會唔會過嚟？」

聽到這裡，可南的心放鬆了不少。雖然平時很討厭這個哥哥，但如果他死了，她也會傷心。或許這就是兄妹情吧！

「我過緊嚟架啦，但係可能要半個鐘，太塞車喇」

「好，我會通知患者」

收線後，可南笑着右邊的越琛，然後又望向窗外。越琛被她逗笑了，問道：「醫院打嚟？」

「嗯，阿哥醒返喇」

「醫院嗰個你阿哥嚟架？」

「嗯，可能就係因為咁所以佢今日冇送嘢比你囉。」

「哦，其實佢堅持到咁耐已經好勁」

「咁你淨間上去搵佢，可能佢都會快啲好返」

「唔好啦，廢事佢誤會啦」

「你唔鍾意佢咩」

「我...即係咁講，我知你係佢阿妹，所以會企佢嗰面，但係你有冇諗過如果我哋又一齊返，傷害嘅係佢。所以既然對我哋不利嘅話，不如趁早停止，係咪先？」

「愛情唔應該係咁」

「咁應該點」

「應該互相鍾意就喺埋一齊，唔應該諗咁多」

「如果唔諗咁多嘢，我就唔係大人啦」

「就係因為大人所以先要遵從自己嘅心」

「愛一個人會諗埋自己會唔會害咗佢」

「你諗嘅害咗佢，可能對佢嚟講唔算得啲乜」

越琛不知道怎樣再說下去，好像說得越多，錯得越多。

她只好轉移話題，說：「你拍過幾多次拖呀，口吻成個專家咁」

「um 其實我冇，嘿嘿」

「哦...睇得出...你啲諗法太不切實際」