壓抑: 15 追女孩- 食物的引誘（II)

儘管心裹很想接過便當，但口裏卻說出拒絕的話：「唔洗啦，你自己食啦，我唔鍾意食」
浩南原本的笑臉頓時消失，他道：「你都唔知入面係咩，你點知你唔鍾意食」
「係你煮嘅就唔會鍾意食」

「賴越琛，有冇必要咁絕？」

「我絕？我係咪一路叫你放低我」

「我係話洗唔洗對自己咁絕，有嘢都唔食，唔似你」





「程浩南，接受現實啦，係人都會變架啦」

「真係唔食？咁我餵狗架啦」

「關我咩事」

越琛說完，感覺自己就快演不下去，便轉身想走了。

浩南看出她想離開，所以拉著她的手說：「我依家正直反叛期，你叫我放低你，我就偏唔放，仲要日日過嚟」





越琛定睛地看著眼前這個人，用憤怒的語氣說：「你洗唔洗聽下自己啱啱講咩。先生你貴庚呀...反叛期...？」。雖然聽者可能覺得越琛不耐煩，而且有點生氣，但越琛心裏其實在哈哈大笑

浩南挑了挑眉道：「我貴庚你唔知？」

見越琛沒有回應，浩南也沒有強迫，只是把便當塞到越琛懷裏便轉身離去，臨走時還不忘加句：「記得食」

看著他漸漸縮小的背影，越琛沒有追上前把食物還給浩南，反正她心底裏是想吃的，現在只是不知道該怎麼還餐盒而已...

在浩南的背影完全消失之際，越琛轉身準備回公司。而海瑤也探出頭來，滑稽地向剛轉身的越琛笑著。





越琛反著白眼向她走去，然後用嚴肅的表情說：「上去，開工」 。但這樣也無阻海瑤一路上的壞笑。