壓抑: 番外2.2 ：報復（煽風點火）

越琛將車泊在學校的停車場，然後便看到門口，校長和李雪菲站在那裏迎接自己。她沒有聽海瑤的話對著她黑面，而是虛偽的向兩人打招呼，然後握了校長的手，但在李雪菲伸出手時直接無視她。

因為越琛早了到達學校所以她便在校長室與她聊天，而李雪菲作為負責人則要在禮堂作準備。其實這也是越琛的計劃之一，她要的就是與校長獨處的機會，那她就可以有機會煽風點火了，雖然有點壞，但對付教蓄這就是她想到最好的辦法。

--

進入校長室之後，校長倒了一杯水給越琛喝之後便開始對話：「賴小姐今次真係多謝你嚟，近排我哋發現多咗學生自殘，覺得係時候要注重下佢哋心理健康，又知道你返咗香港所以先搵你。聽講今次你係破例去小學，仲要係李主任叫你所以你嚟，睇嚟你哋好熟？」 這番話是越琛意料之中，她用平靜的語氣回答：「校長唔洗咁客氣，今次破例係因為呢間係我嘅母校，唔關李主任事，頭先你講到學生自殘，的確係一個嚴重嘅問題。所以你哋有冇估過個理由？即係例如壓力來源？」

「有吖，學校都意識到問題嘅嚴重性，有嘗試搵佢哋傾下偈，但係佢哋都唔係好肯講，而我哋又唔係好敢迫佢哋」





「唔迫佢哋係一個好嘅行為，但係你哋有冇諗過會唔會係學校比到壓力佢哋？例如老師對佢哋嘅態度？又或者佢哋喺學校嘅人際關係比較差？我覺得與其問佢哋，其實可以慢慢觀察佢哋嘅行為繼而推斷佢哋壓力來源，當然呢啲唔一定嚟自學校，家長都有機會，但係我覺得老師嘅質素同態度都好緊要」

「當然，我哋都非常重視師資」

「師資固然重要，但更重要嘅應該係佢哋嘅人格。校長，你諗下如果有個老師不斷比負能量你，而你又唔識舒壓，積埋積埋喺個心入面，你唔爆至奇啦係咪先。而嗰啲學生自殘係因為佢哋認為呢個係舒壓嘅渠道。當然，我都可以幫佢哋做心理輔導，但係我認為審視教職員都係一個必要。」

「賴小姐咁講係咪覺得我哋嘅老師有咩問題？你不妨可以提升嚟，我會留意下」

「校長既然咁講，我就唔怕講真話喇，有啲新老師我唔知，但李雪菲主任我諗你要留意下，據我所知佢對成績好嘅學生會好有禮貌，但當對面係一個成績較差嘅學生，佢惡劣嘅態度都會幾明顯。當然，我相信佢唔係唯一一個咁嘅老師，所以我希望你真係想為學生好嘅話就換咗冇心教嘅老師。」





「賴小姐，我仲以為你係李主任嘅朋友添。不過你既然講到咁我唯有相信，我會盡量暗中觀察啲老師，希望你明白我真係為學生好。」

「咁就好，其實校長唔洗令我明白，只要你心入面愛護啲學生，係人都會睇得出，我相信你係為學生好嘅。而且我都知頭先我講嘅嘢你未必百分百相信，似中呢啲係你嘅同事...時間差唔多啦，我落去禮堂準備下先」

「哦...哦好... 咁心理輔導...？」

「如果方便嘅話我可以每個禮拜三兩點半至五點幫佢哋做心理輔導，話係心理輔導但係其實係同佢哋傾偈，似中佢地太細個我唔想佢哋食藥」

「好，多謝你先，我哋交換個聯絡方式？方便日後嘅工作？睇你都唔想同李主任聯絡架啦？」





越琛微笑地點頭：「好」，她們交換了電話號碼後越琛便往禮堂方向去。