壓抑: 番外2.3 ：報復 (心理輔導）

越琛落到禮堂看到李雪菲的身影又換了另一副面孔，原本沒甚麼表情的面孔立即掛了一副微笑。李雪菲見到她的笑容，莫名其妙地感到心慌，但她沒有多想，只是放下手上的工作上前迎接她：「越琛，咁早落嚟？」
「我早啲落嚟準備吖嘛，仲有十分鐘咋嘛」
「多謝你比面嚟」
「唔洗客氣...」，越琛心想：有份厚禮你的確要多謝嘅...

她們沒有太多話要說，不竟越琛為人挺記仇的，所以只是簡單檢查了簡報就坐下看手機。十分鐘很快便過去，學生陸陸續續地在禮堂裏坐下。越琛也開始她的講座：「大家好，我叫賴越琛，係一個slasher ，其中一個工作係心理輔導員，咁有冇同學仔估到今日呢個講座講咩架？」 她問完問題後，台下的小朋友也很湧躍地舉起自己的小手。她選了一個坐前排的女孩，待她答完便入正題了。

講座內容將會被省略。

一個小時後，越琛終於把她準備的簡報講完，然後不到三分鐘原本座無虛席的禮堂又變回空蕩蕩的空間。她到操控室的電腦拿回手指便離去。





一星期後，她又回到這間學校，但這次她是給個別學生做心理輔導的。今天這位學生就讀三年級，他打開門禮貌地向越琛打招呼便安靜地坐下來。越琛作為輔導員只能開始話題，她公式化地說：「你係王樂峰？讀3A 班？」
「係」
「咁你知唔知點解今日喺度吖」
「知，自殘嘛...」
「咁你既然知，咁你可摸耳話比我聽點解你會有呢個行為呢？」
「之前啲老師問我，我都冇答點解我要答你」
「因為我唔係老師。介紹返自己先，我叫賴越琛，依家喺度係做緊心理輔導嘅工作，我仲有其他崗位例如時藥物公司嘅老版，所以我同其他老師唔同」
「so ? 」
「so 你可以放心話比我聽你點解會自殘，又或者你講完我可以幫你解決呢，就算解決唔到講出嚟都會舒服啲？係咪？」




「我講過，但係冇舒服到，我比人打係咪你負責」
「你幾時比人打」
「我...我點解要話你知，關你咩事」
「你既然都肯嚟呢度咁就關我事啦，你講咗啲咩比人打同邊個打你」
「我，唔係，打我嗰個...唔係，我講嘅話你係咪幫我拉咗嗰個女人？」
「如果佢唔係你父母嘅話，會」
「真係架？」
「嗯，呃你做乜」
「之前小息玩捉嘅時候我做捉然後捉到班長。但係佢輸咗唔認數，咁我就捉得佢實啲...跟住佢隻手有個紅印... 佢... 」
「你飲淡水可能會舒服啲？」




「嗯…」
「比我估下接下嚟就係佢個紅印比老師發現？然後個老師打你？ 」
「係...（嗚...嗚...）佢話我成績咁差仲要整傷人，佢話我衰過隻狗，然後佢話如果我講比人聽佢打我我今年一定升唔到班...我唔想升唔到班...嗚嗚」
「咁你依家講比我聽唔驚咩？」
「你... 唔會出賣我架可...你話你唔係老師」
「我唔會出賣你但係如果要告佢，呢件事就會公開，咁你覺得點？」
「你告佢，佢係咪一定坐到監」
「係，樂峰，打人犯法架...就算坐唔到，佢一定做唔到老師，你可唔可以話比我聽嗰個老師個名呀」
「李雪菲」
越琛很細聲地說：「佢，又係佢... 」
然後用正常的聲線跟樂峰說：「呢個係咪你唯一嘅原因自殘定你仲有其他心事？」
「我成績差算唔算心事呀？」
「算，但係你要知道成績唔代表一切，你覺得我細個讀書好唔好吖？」
「好？唔係，你咁問應該係唔好」
「你識咁諗至少證明你係醒目嘅係咪先」




「係咩...啲人成日話我蠢」
「你自己覺得自己蠢唔蠢吖？」
「唔覺」
「咁咪得囉，你比啲信心自己，你覺得自己得，咁已經贏咗，唔好理人哋對你嘅侮辱」
「我試下？」
「咁就好，仲有唔好自殘喇，知唔知道，自殘解決唔到問題，你唔開心可以用其他方法發泄出嚟」
「知道...」
--
Sorry 呢幾日溫physics 冇時間更but GCSE is finally over !!! 雖然但是似中有啲卡文，下一集應該都要一兩日後，大家到時記得睇 <3