壓抑: 番外2.4 ：報復（計劃）

離開輔導室後，越琛就進了校長室。
校長一早便預料到她會來，所以手頭上也沒有工作。

「賴博士，你上次叫我觀察啲老師我做咗，的確有啲老師係有兩副面孔」

「你諗住點處理？」

「炒佢哋囉，我都冇其他辦法」

「我覺得咁樣唔夠，頭先我同一個學生傾咗偈，發現原來有老師打佢。當然，我依家冇證據但係我搵到證據嘅話，呢個老師我會親手告上庭」





「咁嚴重？佢喺學校打？」

「係，我建議你盡快同呢個老師割席」

「個老師係？」

「李雪菲」

「又係佢...？」





「我都想知點解」
-

接下來的日子，越琛不是思考怎樣才能收集證據就是找律師。直到一個禮拜後，她再次見到樂峰，她便跟他說了具體的計劃：「樂峰，上次你係咪話想打你嘅老師坐監」

「係，你諗到辦法嗱？」
「嗯，但係全部人會知受害人係你」
「如果你百分百肯定佢會受到懲罰咁我唔介意」
「好，咁你唔介意嘅話，就首先去驗傷，趁你啲傷仲未好返晒，然後再好啲嘅證據就係喺佢下一次打你嘅時候錄到佢嘅行為」




「點樣錄」
「你記唔記得點解上次佢會打你又或者記唔記得上次打你嘅地方喺邊」
「停車場，好似係...好似係因為我拖累咗成班個整體成績」
「記唔記得幾多號」
「派卷日... 派卷日好似係15？」
「好，我淨間落去睇閉路電視」
「如果影到係咪可以告架喇」
「會，但係要收集多啲證據」