《艾莉菲斯物語》（異世界穿越）: 第四十二章、哥布林戰

陽光海岸嘅晨曦灑落草原，微風帶著海鹽味，喚醒沉睡嘅星光小隊。樂希、阿偉、永誠、曉峰同洛希娜喺星願草山丘琴晚睇完星，太攰決定原地過夜。

起身之後佢哋精神抖擻，收拾行裝返到馬利安城。樂希獨自前往聖殿探望阿夢，佢依然昏迷未醒，躺在聖殿醫療室，臉龐血色已恢復不少。

樂希握住聖彩之願，細聲講：「阿夢，願加爾安娜斯女神與你同在。」甘霖喺旁邊回應：「希仔，你真有心又嚟探夢仔，願加爾安娜斯女神與你同在。」樂希點頭，眼中閃過堅定，隨後同隊友會合。

星光小隊喺冒險者公會接下一項新任務：討伐波利波利大平原西邊馬索營地嘅哥布林。任務簡報指，哥布林勢力近日急速擴張，不停襲擊平原嘅冒險者，威脅商路安全，需將營地內嘅哥布林全數消滅，報酬為1000卡索。

永誠回想之前，星光小隊曾喺波利波利大平原被哥布林追擊，幸得洛希娜「箭雨」救下，佢拍拍心口話：「我哋今時唔同往日，畀啲哥布林見識吓我哋嘅實力！」





隊伍整裝出發，沿波利波利大平原西行，綠草連綿，遠處丘陵起伏，陽光下野花搖曳。馬索營地坐落於平原邊緣，木柵圍成簡陋寨牆，內裡帳篷林立，哥布林嘅吱吱叫聲隨風傳來。

營地外，數十隻哥布林小兵巡邏，綠皮膚瘦小，持生鏽短劍或木棒，眼中閃著兇光。營地內仲有好幾個簡陋嘅木製高台，上面有幾隻哥布林法師同弓手。

曉峰冷靜分析形勢，指揮戰局：「我哋應該唔太需要坦，所以阿偉跟埋永誠一齊衝鋒，洛希娜輸出同掩護，樂希負責控制同回復，我會暗殺高處嘅哥布林法師同弓手，之後洛希娜就可以制高點輸出。」

「好，我哋加油！」隊長永誠鼓舞士氣。

樂希舉起聖彩之願，為眾人都上咗一次強化術。





永誠率先衝出，手持鐵火龍骨大劍，施展新學技能嘅「大劍衝鋒」。佢身如猛虎，劍鋒拖出烈焰殞地，瞬間撞入哥布林群，數隻哥布林被撞飛，吱吱慘叫。佢再放「旋風斬」，大劍旋轉如風車，劍氣橫掃，十幾隻哥布林被斬斷，綠血飛濺。永誠吼道：「來呀！試吓我嘅新招！」

洛希娜站喺後方，拉開長弓，施展「精準射擊」。弓弦一響，箭矢如流星，精準射穿一隻哥布林精英嘅頭顱，瞬間擊殺。佢再施「彈射箭」，一箭射出，箭矢喺空中分裂，化為五支，貫穿五隻哥布林胸口，吱吱聲戛然而止。洛希娜接連施展「連射」，弓弦嗡鳴，箭矢如雨，瞬間再射倒幾隻哥布林，營地外亂成一團。

阿偉持直劍同盾牌，施展「破風斬」，劍鋒劃出銳利氣刃，橫掃數隻哥布林，斷肢飛散。佢再用「直劍突刺」，劍鋒如閃電，刺穿一隻哥布林精英嘅心臟，盾牌一頂，擋住另一隻嘅木棒。

樂希喺後方施放「聖束術」，銀白光帶從地面升起，束縛攻擊阿偉嘅哥布林，哥布林動彈不得，被阿偉一劍封喉。

曉峰身影如鬼魅，閃到高處施展「背刺」，匕首從哥布林弓手身後刺入，瞬間擊殺。佢再用「割喉暗殺」，匕首劃過一隻哥布林法師咽喉，綠血噴湧，無聲倒地。佢喺高地中穿梭，雙匕首無情地收割性命，高處嘅哥布林喺短時間內被連根拔起。





星光小隊實力大增，新學技能配合無間，默契如行雲流水。永誠嘅「橫掃千軍」劍氣縱橫，橫掃十幾隻哥布林；洛希娜上到高處，用「連射」同「箭雨」覆蓋戰場，穩定輸出；阿偉嘅盾牌防禦穩固，直劍突刺致命；曉峰嘅暗殺迅猛無蹤；樂希用「安撫術」同「繳械術」、「聖束術」等控制戰場，逼哥布林棄械，武器堆滿地面。

唔夠半小時，營地內外百多隻哥布林全數被殲滅，綠血染紅草地，吱吱聲消散。

隊伍整頓，衝入馬索營地深處，帳篷間堆滿哥布林屍體，木柵內一片狼藉。營地深處，一座簡陋石台聳立，台上站立一隻高階魔物——哥布林將軍尼奧修斯。佢身高近兩米，綠皮膚佈滿傷疤，肌肉虯結，著住破爛嘅鐵甲，手持一把巨型戰斧，斧刃閃爍寒光。

尼奧修斯紅眼兇光畢露，咆哮道：「可惡嘅冒險者！闖我營地，殺我同伴，今日就係你哋死期！」佢戰斧一揮，石台震顫，魔力波動席捲營地。

永誠舉起大劍喊叫：「哥布林將軍？今次畀你見識星光小隊嘅真正實力！」洛希娜拉弓，箭矢蓄勢待發；阿偉盾牌前舉，準備突刺；曉峰匕首閃光，潛入陰影；樂希握緊聖彩之願，細聲講：「大家準備好……佢好似唔係咁簡單。」

馬索營地嘅石台烈焰熊熊，哥布林將軍尼奧修斯屹立台上，巨型戰斧散發森冷寒光，紅眼兇光鎖定星光小隊，空氣中瀰漫哥布林屍體發出嘅腥臭同魔力波動。

尼奧修斯咆哮，戰斧猛劈石台，地面震顫，魔力衝擊波席捲而來。戰鬥一觸即發，永誠率先施展「大劍衝鋒」，身如猛虎，劍鋒拖出烈焰，衝向尼奧修斯。

尼奧修斯動作靈活，側身一閃，戰斧橫掃，斧刃帶風，逼得永誠翻滾避開，地面被劈出深痕。永誠吼道：「好快！大家小心！」





洛希娜喺後方施展「精準射擊」，箭矢如流星，瞄準尼奧修斯頭顱。尼奧修斯低吼，施展「瞬移」，身影化為黑霧，瞬間出現在洛希娜身側，戰斧劈落。

洛希娜急忙閃避，同時拎出新武器炎丸刺中尼奧修斯，佢都同時俾巨斧擦過肩膀，劃出一道淺傷，佢立即提醒隊友：「佢識瞬移！」樂希即刻施放「治療術」，溫暖白光癒合洛希娜傷口。

阿偉衝上前，舉盾擋住尼奧修斯，然後施展「破風斬」，氣刃橫掃尼奧修斯，試圖引開注意。尼奧修斯戰斧一擋，氣刃崩散，佢冷笑，施展「火球」，一團熾熱火球射向阿偉。阿偉盾牌硬抗，火球炸開，熱浪逼人，樂希施放「聖靈守護」，銀白光盾保護住阿偉。

曉峰潛入陰影，施展「背刺」，匕首刺向尼奧修斯背部。尼奧修斯反應極快，戰斧反掃，曉峰翻身避開，匕首僅劃破其鐵甲，留下一道淺痕。曉峰喃喃自語：「好硬嘅防禦......」

尼奧修斯咆哮，施展「召喚術」，魔法陣喺石台閃現，幾十隻哥布林從陣中竄出，持短劍木棒，吱吱叫著撲向隊伍。

普通哥布林唔係星光小隊嘅對手。永誠施展「旋風斬」，大劍旋轉，劍氣橫掃，數隻哥布林被斬斷，綠血飛濺。佢再用「橫掃千軍」，劍氣如龍，橫掃剩餘哥布林，清理戰場，佢話：「洛希娜！小兵交俾我清，集中攻尼奧修斯！」

洛希娜施展「彈射箭」，箭矢分裂，貫穿尼奧修斯鐵甲，卻僅造成淺傷。佢咬牙施「連射」，箭雨連發，逼得尼奧修斯瞬移閃避，營地木柵被射穿，吱吱聲四起。





尼奧修斯瞬移至永誠身後，戰斧猛劈，永誠舉劍格擋，「砰」嘅巨響震得佢虎口流血，腳步踉蹌。

阿偉衝上，施展「直劍突刺」，劍鋒刺向尼奧修斯胸口，卻被鐵甲彈開，尼奧修斯反手一斧，劈中阿偉盾牌，佢手臂劇痛，「佢好大力……」樂希施放「治療術」，白光癒合永誠同阿偉傷勢：「撐住！我會幫你哋回復！」

躲喺暗處嘅曉峰瞅準機會，施展「割喉暗殺」，匕首直取尼奧修斯咽喉。尼奧修斯反應奇快，瞬移避開，火球連發，曉峰翻滾閃避，卻被熱浪燒傷手臂。樂希施放「安撫術」，金光擴散，短暫減緩尼奧修斯攻勢。

洛希娜趁機「精準射擊」，箭矢射中尼奧修斯左肩，鐵甲裂開，綠血流出，佢講：「有弱點！」

尼奧修斯怒吼，再施「召喚術」，十隻哥布林竄出，撲向隊伍。永誠施「大劍衝鋒」，撞飛數隻，洛希娜「連射」清場，曉峰「背刺」收割，阿偉「破風斬」橫掃，樂希「聖束術」束縛哥布林，隊伍配合無間，瞬間清理小怪。佢戰斧連劈，阿偉盾牌擋住，洛希娜「彈射箭」射其鐵甲裂縫，曉峰「割喉暗殺」刺其背部，永誠「橫掃千軍」劍氣猛攻，雙方勢均力敵，營地石台被震裂。

尼奧修斯綠血流淌，卻愈戰愈勇，火球同瞬移頻發，星光小隊傷勢漸增，樂希連續施法回復。

戰鬥膠著，尼奧修斯嘅巨斧同魔法攻勢如狂風，星光小隊唔同技能爆發，默契無間，卻難破其鐵甲。

星光小隊戰意高昂，同尼奧修斯僵持喺哥布林營地。