［同人系列］新泥漿俠: 第八章：公會

呢個世界原來有一間英雄公會，可以攞到一級榮譽，得到多人認可。公會就喺馬灣城市隔離，喺條窮巷入面，一片寂靜。

公會唔係一幢高貴嘅建築物，睇落有少少古典風，仲有啲畢加索嘅風格，實在太抽象。自問美術嘅野我識條鐵，不過都唔妨礙我對呢間公會嘅嚮往。

雖然大街人多車多，但呢條巷極少人會入，所以公會都好靜。唔係人人都可以入到公會，會嚟嘅都係身懷絕技，有啲仲勁到飛起，識功夫又識特異功能。

「我係跟周星祖學嘅特異功能，中地係賭聖，我係賭弊。」呢個朋友就係今日喺我面前表演絕技，佢嚟呢度，就係想入英雄公會。

「咩係賭弊？你改個名都改得好少少啦！你唔好叫賭弊喇，叫濕滯啦！你唔駛旨意入到公會呀，我一定打到你飛起個隻……」





公會嘅人唔單止串，仲好惡，要求亦都極其嚴格，所以唔係普通人可以入到去。呢個所謂「賭弊」，唔係賭弊，係賭閉。仲話咩特異功能？佢肯定係周星星啲片睇上腦。公會會長一眼就睇穿左佢啲法術。

公會會長唔係你想見就見得到嘅人，應該話佢太有應酬，忙到飛起。我得知公會嘅事之後，二話不說就去報名，不過……唔好意思，我唔夠班，我嘅裝置仲未到家，佢已經睇穿左我。

「所以公會有幾個人喺度？」我好奇問公會嘅接待處。

「十二個。」公會嘅人，連接待處都只得十二個，真係少。但係只要我攞到榮譽，就可以喺呢個城市有啲成就。Chole父母會睇得起我，一個英雄做佢女婿，仲比起警察仲有保障。起碼，佢會有安全感，唔會俾人亂搞。

我心裡面不禁有啲興奮。





「點解我唔入得？我識飛又識噴野，一個英雄嘅基本條件都有齊！你話唔得就唔得咩？你叫公會會長嚟見我！」

「你傻左咩？公會會長係你話見就見嘅咩？朋友，你幾時返去印度食蕉呀？我可以送你一程喎。」

公會會長囂張嘅態度，真係好想打佢一鎚。不過……唔好意思，我唔識武術，跟住就放棄咗。

「嚟得呢度嘅都係想見佢一面。總唔可以單憑你一面之詞，唔畀入就唔畀入啦。我係隔離城市過嚟嘅，好辛苦㗎啦……」

「咁又點啫？尋日仲有個話係外太空嚟！我打到佢飛起！以為你喺隔離城市嚟就可以入到喇咩？太天真啦，朋友……」





佢講嘅「尋日外太空」，根本係作嘅姐，無任何事實根據。

「其實呢，你返去再學習吓，強化自己先啦。你係可造之材嚟，但你唔識武功，淨係識啲半桶水嘅法術，英雄公會真係好難畀你入去……」

無野係難到我嘅。正所謂，我係天選之人，意外地獲得英雄裝置，唔通真係掉咗佢咩？我嘅抱負好大，唔單止想做英雄，仲要征服整個世界嘅英雄！

「我一定會努力，證明俾你睇！終有一日，我會打低你呢個牙擦蘇！」

「我唔係叫牙擦蘇！仲有，你打唔過我架啦！我係宇宙榮譽！」

「我又唔知你叫咩名，你一嚟就係度牙擦擦，咪叫你牙擦蘇囉……」

睇嚟佢真係唔鍾意呢個名。到最後，佢都唔肯講自己叫咩名。不過……呢個已經唔重要喇。